Saylaw – bul puqaralardin ja’miyet ha’m ma’mleket islerin basqariwda tikkeley o’z wa’killeri arqali qatnasiwi bolip esaplanadi. Bunda saylawshilar o’zleri isenim bildirgen talabanlarg`a  dawis beredi ha’m sol arqali ja’miyet ha’m ma’mleket islerin basqariwg`a qatnasadi. 2019-jil 22-dekabr ku’ni O’zbekstan Respublikasi Oliy Majlisi Nizamshiliq palatasi, Qaraqalpaqstan Respublikasi Joqarg`i Ken`esi ha’m xaliq deputatlari wa’layat, rayon ha’m qala ken’eslerine saylawlar o’tkeriledi.

Saylawg`a baylanisli elimizde bir neshe ilajlar o’tkerilmekte. Bunday ilajlardan biri joqari oqiw orinlari arasinda sho’lkemlestirilgen ”Men saylawga tayarman” atamasindag’i respublika tan’lawi esaplanadi. Tan’law O’zbekstan Respublikasi Nizamshiliq palatasi, Qaraqalpaqstan Respublikasi Joqarg`i Ken`esi, xaliq deputatlari wa’layat, rayon ha’m qala Ken’eslerine bolip o’tetug’in saylawlarda jaslardin’ qatnasin ken’eytiw ha’m jaslardin’ huqiqiy sanasi ha’m huqiqiy ma’deniyatin jetilistirip bariw, nizam u’stinligin ta’miyinlew, jaslarda saylaw institutlarina isenimin bekkemlew ha’m ja’miyetimizdegi barliq siyasiy processlerde belsene qatnasiwin ta’miyinlew maqsetinde o’tkeriledi.

Usi jildin’ 17-oktyabr ku’ni tan’lawdin’ respublikaliq basqishi bolip otti.

Onda Berdaq atindag’i Qaraqalpaq ma’mleketlik universitetinin’ ”Erkinlik qanatlari”, Tashkent ma’mleketlik pediatriya-medicina instituti No’kis filialinin’ ”Senatorlar”, O’zbekstan ma’mleketlik agrar universiteti No’kis filialinin’ ”Qumay” ha’m O’zbekstan ma’mleketlik ko’rkem-o’ner ha’m ma’deniyat instituti No’kis filialinin’ ”Ma’deniyat sun’qarlari” toparlari qatnasti.

Tan’law ”Sa’lemnama”, ”Soraw-juwap” ha’m ”O’zbekstan keleshegi tu’sinigimde” temasinda videorolik tayarlaw sha’rtlerinen ibarat boldi.

Tan’law juwmag’inda universitetimizdin’ ”Erkinlik qanatlari” topari 1-orindi iyeledi ha’m tan’law jen’impazi boldi.

Yu.Abdreymov,

Yuridika fakultetinin’ jaslar menen birge islesiw boyinsha dekan orinbasari.