Өзимиздиң жасап турған, оқып атырған аймағымызды таза услаўымыз, экологиямыздың жақсыланыўы ушын тазалыққа итибар қаратыўымыз зәрүр.

Жақында университетимиздиң қарақалпақ филологиясы ҳәм журналистика факултетиниң 1-курс студентлери тәрепинен “Аймағымыз тазалығы, өз қолымызда!” сүрени астында шембилик шөлкемлестирилди.

Бул илаж тиккелей факультетимиздиң Жаслар аўқамы тәрепинен әмелге асырылды. Университет аймағындағы шығындылар алып тасланды ҳәм оқып атырған дәргайымыздың көркине-көрик, сулыўлығына және де сулыўлық инәм етилди, десек асыра айтқан болмаймыз.

Бундай баслама менен исленип атырған жумысларымыз, бизди қоршап турған орталықтың жақсыланыўына алып келеди. Студент-жаслар шембиликке өз белсендилиги менен қатнасты.

“Аймағымыз тазалығы, өз қолымызда!” сүрени астында өткерилген шембилик жумыслары университетимиз бойлап даўам етпекте…

Азизбек Дабылов,

 Қарақалпақ филологиясы ҳәм

журналистика факультетиниң 1-курс студенти.