Jas a’wlad ta’rbiyasi bu’gingi ku’nde en’ ahmiyetli waziypalardan esaplanadi.

Atap aytqanda, jaqinda Qaraqalpaq ma’mleketlik universiteti shet-tiller fakulteti dekani Dj.Qurbanbaev, universitet Jaslar awqami jetekshisi D.Abadanov ha’m shet-tiller fakulteti jetekshisi J.Rizayevlar 3,4,5-sanli studentler turar jayina barip student-jaslardin’ halinan xabar alip, jaslar menen o’z-ara sa’wbetlesti.

Jiynalista dekan Dj.Qurbanbaev jataqxana studentleri menen olardin’ jag’daylari haqqinda so’ylesip ,ta’rbiya ma’selesi boyinsha da o’zinin’ pikirlerin bildirip o’tti. Onnan son’, shet-tiller fakulteti jetekshisi J.Rizayev bir qatar tan’lawlar o’tkeriw kerekligi haqqinda aytip, studentler arasindag’i talantli jaslardi aniqladi. Soni da aytip o’tiw kerek, jiynalis dawaminda oqiwda, ja’miyetlik jumislarda belsendi jaslar alg’islandi.

Jiynalista jataqxana turg’inlari dekan Dj.Qurbanbaevqa o’zlerinin’ qiziqtirg’an sorawlarin berdi ha’m bir qansha usinislar aytilip, keleshektegi rejeler dodalandi.

Aydana Allambergenova,

Shet-tiller fakultetinin’ studenti.