ÓZBEKSTAN RESPUBLIKASÍ JOQARÍ HÁM ORTA ARNAWLÍ

BILIMLENDIRIW MINISTRLIGI

BERDAQ ATÍNDAǴÍ QARAQALPAQ MÁMLEKETLIK UNIVERSITETI

 «QARAQALPAQ TIL BILIMI» HÁM «QARAQALPAQ ÁDEBIYATÍ» KAFEDRALARÍNÍŃ

XABARLANDÍRÍW XATÍ

Ózbekstan Respublikası Ministrler Kabinetiniń 2020-jıl 7-fevraldaǵı 56-f-sanlı Qararı menen Berdaq atındaǵı Qaraqalpaq mámleketlik universiteti Qaraqalpaq filologiyası hám jurnalistika fakulteti «Qaraqalpaq til bilimi» hám «Qaraqalpaq ádebiyatı» kafedralarında 2020-jıldıń 12-13-may kúnleri «Házirgi qaraqalpaq filologiyasınıń áhmiyetli máseleleri» (M.Nurmuxammedovtıń tuwılǵanlıǵına 90 jıl tolıw múnásibeti menen) atamasında xalıqaralıq ilimiy-teoriyalıq konferenciya ótkeriw rejelestirgen.

Konferenciyada tómendegi sekciyalar boyınsha jumıs alıp baradı:

• Til bilimi;
• Ádebiyattanıw.

Konferenciyaǵa Respublikamızdıń bilimlendiriw tarawı hám ǵalaba xabar quralları xızmetkerleri, ilimpazlar, doktorantlar, izleniwshiler, magistrantlar, studentler, sonday-aq shet elli ilim-bilimlendiriw tarawı wákilleri hám basqa da qızıǵıwshılar qatnasıwı múmkin.

Konferenciyada qatnasıw shártleri:

• konferenciyada qatnasıw ushın sektsiya atı kórsetilgen halda maqala tekstin tómendegi talaplarǵa muwapıq tayarlap, til bilimi sekciyası tursinbaev86@inbox.ru, ádebiyattanıw sekciyası 8480@gmail.com elektron mánzilleri arqalı 2020-jıldıń 10-apreline shekem shólkemlestiriw komitetine jiberiwińiz soraladı;
• konferenciya materialların ilimiy maqalalar toplamı tu’rinde mámleketlik grif penen baspadan shıǵarıw názerde tutılǵan. Qaraqalpaq tilindegi ilimiy maqalalar latın álipbesinde jazılıwı kerek.

 ILIMIY  MAQALALARǴA QOYÍLATUǴÍN  TALAPLAR:

 – ilimiy maqalalar konferenciyanıń temasına hám kórsetilgen baǵdarlarǵa sáykes keletuǵın aktual, ilimiy analizlengen hám juwmaqlanǵan pikirlerge tiykarlanǵan, tiyisli usınıslar keltirilgen formada usınılıwı kerek;

• materiallar qaraqalpaq, ózbek, rus hám inglis tillerinde usınılıwı múmkin;
• ilimiy maqalalar redaktorlanǵan halda A4 kólemindegi qaǵazǵa, joqarıdan hám tómennen 2,5 sm, shepten 3 sm, ońnan 1,5 sm orın qaldırıp teriledi. Maqalanıń ataması 1 intervaldan soń avtordıń atı hám familiyası bas háriplerde jazıladı. Keyin avtordıń jumıs ornı hám lawazımı kórsetiledi. Soń 1 interval qaldırılıp tekst 1,5 intervallı qatarlarda Times New Roman shriftinde, 14 kegel kóleminde bolıwı kerek;
• ilimiy maqalalar 5 betten aspawı, bir nusqa qaǵazda hám elektron kóriniste, sonday-aq avtor haqqındaǵı maǵlıwmatlar: telefon, pochta mánzili kórsetilip shólkemlestiriw komitetine usınıladı;
• studentler hám magistrlardıń maqalaları ilimiy basshınıń pikiri menen qabıl etiledi.
• shólkemlestiriw komiteti maqalalardı saralaw hám redaktorlaw huqıqına iye. Maqaladaǵı keltirilgen faktler hám pikirler ushın avtordıń ózi juwapker.

Shólkemlestiriw komitetiniń mánzili: Nókis qalası, Ch.Abdirov kóshesi 1-jay, Qaraqalpaq filologiyası hám jurnalistika fakulteti 2-bina, 3-etaj, Qaraqalpaq til bilimi kafedrası 317-xana, Qaraqalpaq ádebiyatı kafedrası 318-xana.