Усы күнлери карантин себепли дем алысқа шығарылып онлайн сабақларын өтип атырған студентлер, бос ўақтыннан үнемли пайдаланған ҳалда билим алыў, өз үстинде ислеў, таңлаўларға қатнасып, илимий мақалалар жазыў ҳәм басқа пайдалы ислер менен бәнт болмақта.

Бердақ атындағы Қарақалпақ мәмлекетлик университети Юридика факультети 1-курс студенти Турдимуродов Жавоҳир Ташкент мәмлекетлик юридика университетинде зийрек студентлер илимий конференциясында «Пандемия шароитида тадбиркорлик фаолиятини ҳуқуқий жиҳатдан кафолатлаш ва рағбатлантириш» атамасындағы мақаласы менен қатнасып,  ҳүрмет жарлығын алыўға еристи.

Бердақ атындағы Қарақалпақ мәмлекетлик университети Юридика факультети 1-курс студенти Исмайлова Дильфуза «Современная юриспруденция: актуальные вопросы, достижения и инновации»  халықаралық илимий-әмелий конференцияда «Сравнительное правоведение и совершенствование национального законодательства» атамасындағы илимий мақаласы менен қатнасып, сертификат алыўға еристи.

9-май – «Еслеў ҳәм қәдирлеў күни» мүнәсибети менен университет ректораты тәрепинен студент-жаслар арасында «Мен усы әзиз Ўатан перзентимен» ураны астында жәрияланған  онлайн таңлаўына «Еслеў әзиз – қәдирлеў муқаддес» атамасында жеке видео-интервью номинациясы бойынша Бердақ атындағы Қарақалпақ мәмлекетлик университети Юридика факультети 1-курс студенти  Садуллаев Артур қатнасып, жеӊимпаз болыўға еристи.

Ю.Абдреймов,

Юридика факультетиниӊ жаслар менен ислесиў бойынша декан орынбасары.