23-24-июнь күнлери Бердақ атындағы Қарақалпақ мәмлекетлик университетинде «Түслик Аралбойы тәбийий ресурсларын қорғаў ҳәм оннан ақылға муўапық пайдаланыў» атамасындағы Халықаралық илимий-әмелий онлайн конференциясы болып өтти.
Оған мәмлекетимиздиң белгили илимпазлары менен бир қатарда Россия, Қазақстан, Азербайжан ҳәм тағы басқа да мәмлекетлердиң пүткил дүньяға белгили алымлары қатнасты.
Конференцияның ашылыўында университет ректоры, техника илимлериниң докторы, профессор А.Реймов шығып сөйлеп, илаж қатнасыўшыларын қызғын қутлықлады.Ол өз сөзинде елимизде қоршаған орталықты қорғаў, соның ишинде әсиресе, Арал теңизи апатшылығының халқымыз турмысына унамсыз тәсирин кемейтиў бойынша алып барылып кең көлемли әмелий жумыслар ҳәм илимпазлар тәрепинен ислениўи тийис алдағы ўазыйпаларға тоқтап өтти ҳәм конференция жумысына табыслар тиледи.
Әнжуманда Россия илимлер академиясының ағзасы, география илимлериниң докторы, профессор П.О.Завьялов «Некоторые результаты недавних исследований Аральского моря», Қазақстан Республикасынан биология илимлериниң докторы Э.А.Рустамов «Рамсарская региональная инициатива Центральной Азии как инструмент международного сотрудничества» , Баку Мәмлекетлик университетинен Шоаиб Муҳаммад, Қарақалпақ мәмлекетлик университетинен академик Б.Мамбетназаров «Меры по совершенствованию повышения плодороя почв Южного Приаралья», аўыл хожалығы илимлериниң докторы, профессор М.Ибрагимов «К вопросу совершенствования технологии выращивания солодки в регионе Приаралья», Хорезм Маъмун академиясынан профессор И.Абдуллаев «Взаимотношения популяции термитов рода Anacanthotermes», Өзбекстан илимлер академиясы Ботаника институтынан биология илимлериниң кандидаты Д.Тажетдинова «Значение гербария в изучении флоры (на примере видов рода Gallium», Жиззақ политехника институтынан Ф.Эгамбердиев «Оборудование для очистки волокна для поддержания качества собранного хлопка», ҚМУ магистранты К.Розумбетов «Характеристика соматометрических показателей мальчиков 7-11 лет» атамасындағы илмий баянатлары менен қатнасып, әнжуман қатнасыўшыларының саўалларына жуўаплар қайтарды.
24-июнь күни әнжуман секцияларға бөлинген ҳалда өз жумысын даўам етти.
Бердақ атындағы Қарақалпақ мәмлекетлик университети Баспасөз хызмети.
