O’zbekiston Respublikasi ta’lim muassasalariga o’qishga qabul qilish bo’yicha Davlat komissiyasining 2020-yil 13-sentyabrdagi 4-son bayoni (13.09.2020-y. 01-07/1-1400) ijrosini ta’minlash maqsadida O’zbekiston Respublikasi Vazirlar Mahkamasining 2017-yil 20-iyundagi 393-son qarori bilan tasdiqlangan “Oliy ta’lim muassasalari talabalari o’qishini ko’chirish, qayta tiklash va o’qishdan chetlashtirish tartibi to’g’risidagi nizom”ning 23-bandiga muvofiq xorijiy oliy ta’lim muassasalaridan o’qishni respublika oliy ta’lim muassasalariga ko’chirish bo’yicha o’tkazilgan maxsus sinovlar (onlayn, test, kasbiy (ijodiy) imtihon) natijalari ilovaga muvofiq yo’llanmoqda.

Xorijiy oliy ta’lim muassasalaridan o’qishni respublika oliy ta’lim muassasalariga ko’chirish bo’yicha o’tkazilgan maxsus sinovlar (onlayn, test, kasbiy (ijodiy) imtihon) natijalari bo’yicha o’tish bali Oliy va o’rta maxsus ta’lim vazirligi tizimidagi oliy ta’lim muassasalari uchun 56,7 ballni tashkil etadi.

Ilovada qayd etilgan fuqarolarni oliy ta’lim muassasasiga qabul qilish Oliy ta’lim muassasalari talabalari o’qishini ko’chirish, qayta tiklash va o’qishdan chetlashtirish tartibi to’g’risidagi nizom talablariga qat’iy amal qilingan holda, taqdim etilgan hujjatlar sinchiklab tekshirilgandan so’ng quyidagilarni inobatga olgan holda amalga oshirilishini ta’minlashingiz so’raladi:

xorijiy davlatlarning akkreditatsiyaga ega bo‘lmagan oliy ta’lim muassasalarida yoki ularning filiallarida o‘qiganlarning o‘qishini ko‘chirilishiga;

respublika oliy ta’lim muassasalaridagi mavjud ta’lim shaklidan o‘zga (boshqa) ta’lim shaklida o‘qiganlarning o‘qishini ko‘chirilishiga;

oliy ta’lim muassasalarining markazlari, bo‘limlari, o‘quv-maslahat punktlari va boshqalarda o‘qiganlarning o‘qishini ko‘chirilishiga;

birinchi kursning birinchi semestriga birinchi semester tugallanmagan holatda o‘qishni ko‘chirilishiga;

O‘zbekiston va xorijiy oliy ta’lim muassasalarining o‘zaro kelishuvi asosida qabul qilinib qo‘shma ta’lim dasturlari asosida tahsil olayotganlarning o‘qishini ko‘chirilishiga;

Kechki (smenali) ta’limdan sirtqi (maxsus sirtqi) ta’limga hamda kechki (smenali) ta’limning bir ta’lim sohasidan ikkinchi ta’lim sohasiga talabalar o‘qishini ko‘chirilishiga yo‘l qo‘yilmaydi

O‘qishni ko‘chirilishiga ruxsat etilgan fuqarolarning o‘qitish ta’lim shaklini belgilash o‘rnatilgan tartiblarga asosan fuqarolarning arizalariga muvofiq amalga oshiriladi.

Shu bilan birgalikda, xorijiy oliy ta’lim muassasalaridan o‘qishini ko‘chirish istagini bildirgan fuqarolarning pasportlarida muayyan xorijiy oliy ta’lim muassasi joylashgan davlatga o‘qish davriga mos muddatda kirish-chiqish belgilari bo‘lmagan taqdirda ularning o‘qishini ko‘chirishga ruxsat berilmasligi inobatga olinadi.

Talabalar o‘qishini ko‘chirish, qayta tiklash va o‘qishdan chetlashtirish to‘g‘risidagi taqdim etilgan hujjatlarning to‘g‘ri rasmiylashtirilishi va ularning qonuniyligi uchun mas’uliyat (javobgarlik) oliy ta’lim muassasalari rektorlari (direktorlari) zimmasiga yuklatilishini inobatga olib talabalar o‘qishini ko‘chirish yoki ko‘chirib tiklash jarayonida talablarga javob bermaydigan hujjatlar aniqlangan taqdirda oliy ta’lim muassasasi rektori (direktori) mazkur hujjatlarni tekshirish va buyruq rasmiylashtirmaslik huquqiga ega ekanligi eslatib o‘tiladi.

Xorijiy oliy ta’lim muassasasalaridan respublika oliy ta’lim muassasalariga o’qishini ko’chirish bo’yicha murojaat qilgan fuqarolar va ularning ota-onalariga tushuntirish ishlarini olib borish uchun oliy ta’lim muassasida Shtab tashkil qilinishi;

      ushbu masala bo’yicha belgilangan mas’ul xodimning familiya, ismi, sharifi va telefon raqamini oliy ta’lim muassasining rasmiy veb saytida e’lon qilinishi so’raladi.