«Kitapsız bilim joq, bilimsiz kùniñ joq» – deydi dana xalqımız. Bul nàsiyat biykarģa aytılmaģan. Kitap insannıñ sanasınıñ òsiwinde ùlken rol oynaydı.
Universitetimizdiñ «Kitapqumarlar» klubı shòlkemleskenine bıyıl 4 jıl toladı. Usı waqıt dawamında jılına 3 màrtebe Miyirmanlıq ùyine kitap sawģa etip kelmekte. Bıyıl da 14-fevral «Dunya jùzlik kitap sawģa qılıw kùni»ne arnap, «Biz birgemiz» atlı kitap sawģa etiw akciyası shòlkemlestirildi. Akciyada Miyirmanlıq ùyinde tàrbiya alıp, Universitet studenti bolģan jaslarģa «Kitapqumarlar» klubı aģzaları tàrepinen kòrkem àdebiy kitaplar sawģa qılındı.
Bul jaslardıñ keleshekte elge paydası tiyerdey insan bolıp jetilisiwine tileklespiz.
Sebebi, kitap oqıģan insannan heshqashan jamanlıq shıqpawı sòzsiz.

Qoshjanov Baxıtbay.
«Kitapqumarlar» klubı jetekshisi.
Qaraqalpaq filologiyası hàm jurnalistika fakulteti studenti.