Бердақ атындағы Қарақалпақ мәмлекетлик университети Математика факультети 4-курс Кәсиплик тәлим: Информатика ҳәм информациялық технологиялары қәнигелигиниң студентлери январь айынан баслап педагогикалық әмелиятта болып келмекте. Оқыўшылардың билим дәрежесин ҳәм интеллектуалығын асырыў мақсетинде, студентлеримиз өзлери әмелиятта болып атырған Нөкис қаласы халық билимлендириў бөлимине қараслы 17-санлы улыўма орта билим бериў мектеби оқытыўшылары жәрдеми менен, 15-февраль күни усы мектептиң 8-класс оқыўшылары арасында «Заковат» интеллектуал ойыны шөлкемлестирилди.
Февраль айы «Математика ҳәм информатика пән айлығы» атамасында болғанлығы себепли, ойын математика ҳәм логикаға байланыслы қызықлы сораўлар тийкарында өткерилди. Оқыўшылардың топарда ислесе алыў қәбилетин раўажландырыў мақсетинде, оқыўшыларды киши топарларға бөлиў арқалы, ҳәр бир топардың билимлери сынақтан өткерилди. Ойын нәтийжесине көре ең көп дурыс жуўап берген топарлар, мектеп жәмәәти тәрепинен мақтаў жарлығы менен сыйлықланды. Ойын жуўмағында мектеп директоры А.Абдиреймова сөзге шықты ҳәм ойын ҳаққындағы өзиниң жақсы пикирлерин билдирди.
С.Даулетмуратов, М.Утениязова, П.Юсупова
Математика факультети 4-курс студентлери.
