Qaraqalpaq Mámleketlik Universiteti Shet tilleri fakultetiniń Shet tili hám ádebiyatı tálim baǵdarı 211-topar studentlerine AQSh lı qánige Shawn Singh qatnasıwında «Binar» usılında sabaq shólkemlestirildi. Bul sabaq «Global culture» atlı temada bolıp, pán oqıtıwshısı Aysulıw Qutlımuratova hám AQShlı qánige Shawn Singh sabaqqa baylanıslı hár turli qızıqlı maǵlıwmatlardı ortaǵa taslap, studentlerdiń bilim dárejesin asırıwǵa háreket etti. Sonday-aq AQSh lı qánige Amerika mádeniyatı menen birge Hind mádeniyatı boyınsha qızıqlı faktlerdi keltirip ótti.
«Binar» usılında ótkerilgen sabaq qızıqlı hám mazmunlı bolıp studentler ózleriniń qızıqtırǵan sorawlarına tiyisli juwaplar aldı hám studentlerdiń ilimge bolǵan intasın jánede asırdı.
Ibraymov Sabır
Shet tilleri fakulteti, Shet tili hám ádebiyatı tálim baǵdarı, 211-gruppa studenti
