Kitapqumarlıq ullı keleshek kepili

Kitap – biybaha ǵáziyne. Insan ushın ol jaqın joldas, dos, máslahátshi hám ustaz bolıp tabıladı. Kitap oylaw deregi bolg’anı ushın da xalqımız onı nanday áziz hám muqaddes dep biledi. Jazıwshı hám dramaturg S.Cveyg “Qay jerde kitap bar eken, onda adam ózi menen ózi shette, óz kólemi sheńberinde qalıp ketpeydi, ol ótken zaman hám búgingi kúnniń barlıq dúnya júzlik jetiskenliklerine, pútkil insanıyattıń pikir hám sezimlerine ósh boladı”,dep jazadı. Bunnan kelip shıg’adı kitap oqıg’an ınsan, kıtapqumar adam hár tárepleme jetilisken kámil insan bolıp shıg’adı. Ol ózin rawajlandırıp baradı, ómirge degen kózqarası da ózgeredi hám ózin heshqshan jalg’ız sezbeydi. Keyingi jıllarda kıtapxanlıq hám kıtap oqıwg’a ıtıbar joqarg’I dárejege kóterıldı. Sebebı, Prezıdentımız Shavkat Mirziyoyev aytqanınday, “Dúnyadag’ı qaysı mámleket,qaysı xalıq birinshi náwbette óziniń intellektuallıq potencıalı, joqarı ruwxıylıg’ı menen qúdiretli bolıp tabıladı. Bunday jeńilmes kúsh deregi bolsa dáslep insaniyat oylawınıń ullı ashılıwları – kitap hám kitapxanlarda!” Prezidentimiz bul sózlerdi Turkıyag’a saparında úlken minberde turıp anıq ayttı. Bir qarag’anda bul sózler júdá ápiwayı , biraq usınıń menen birge, ásirlik ruwxıylıg’ımızdı ózinde sáwlelendire alg’an.Universitetimizdiń shet-tilleri fakultetinıń bir qatar studentleri paytaxtmızdaǵı I.Yusupov atındaǵı dóretıwshilik mektepinde bilim alıp atırǵan mektep oqıwshıları arasında Kitapqumarlıqtı en jaydırıw boyınsha õz ilajların dawam etpekte.Ilaj dawamında fakultet studentlerı kitap prezentaciyasın isledi hám mektep oqıwshıları menen pikir almastı.Qızıqlı pikir almasıwlardan soń,mektep oqıwhsılarınan dúzilgen komandalar arasında Bılım rıng bolıp otti.Bilim ring dawamında 4 komanda qatnasıp olar ishinen «Liderler» komandası jeńimpaz dep tabıldı.Jarıs juwmaǵında mektep oqıwshıları kitap prezentaciyası hám bilim ring ushın óz minnetdarshılıgın bildirip, fakultetimiz studentlerine Bilim ringtı hár hápte dawamında ótiwin usınıs etip aytıp ótti.