Қарақалпақ мәмлекетлик университети Қарақалпақ филологиясы ҳәм журналистика факультети Қарақалпақ әдебияты кафедрасы доценти Сағыйдуллаева Жәмийла Нурыллаевнаның «Қарақалпақ повестьлеринде стильлик изленислер» китабы жарық көрди.

 Китап тийкарынан үш баптан турады:

I БАП. ҚАРҚАЛПАҚ ПОВЕСТИНИҢ СТИЛИН ИЗЕРТЛЕЎДИҢ ТЕОРИЯЛЫҚ МӘСЕЛЕЛЕРИ

II БАП. ҲӘЗИРГИ ҚАРАҚАЛПАҚ ПОВЕСТЬЛЕРИНИҢ КОМПОЗИЦИЯЛЫҚ ӨЗГЕШЕЛИКЛЕРИ

III БАП. ЖАЗЫЎШЫ ЛАБОРАТОРИЯСЫ ҲӘМ ИНДИВИДУАЛЬ СТИЛЬ

 Әдебий стиль жазыўшының шеберлигиниң көриниси ҳәм көркемлик изленислериниң нәтийжеси болып табылады. Монографияда бул көркем қубылыс өткен әсирдиң 80-жыллары ҳәр тәреплеме күшли раўажланған қарақалпақ повестьлериндеги әдебий дәстүр ҳәм жаңашыллық, жазыўшының индивидуаль стили, жанрдың композициялық жаңашыллықлары ҳәм баянлаў типологиясындағы өзгерислер мысалында кең түрде анализленди. Сондай-ақ, жумыста жазыўшы стильинде дөретиўшилик лабораторияның тутқан орны, стильдиң иделар ҳәм образларды сәўлелендириўдеги әҳмийети, көркем текст ҳәм оған ҳәр бир жазыўшының индивидуаль қатнасы, көркем аўдарма ҳәм оның автор стилине тәсири мәселелери дәслепки мәрте үйрениледи.

 Китаптан әдебиятшы-алымлар ҳәм әдебият пенен қызығыўшы оқыўшылар пайдаланыўы мүмкин.

                                                                                                                               Нурсултан Темирханов

                                                                                                                                                 ҚМУ студенти.