Universitettiń ruwxıylıq hám aǵartıwshılıq bóliminiń májilisler zalında jurnalist Minájatdin Qutlımuratov penen ushırasıw keshesi bolıp ótti. Ushırasıwda belgili talant iyesiniń jaqında ǵana baspa júzin kórgen «Men kútip jasayman» atlı kitabı student jaslarǵa tanıstırıldı.
Ádebiy kesheni universitetimizdiń Jaslar isleri boyınsha prorektorı Sahawatdin Álawatdinov ashıp berdi hám basqarıp bardı. Bunnan soń Qaraqalpaq filologiyası hám jurnalistika fakulteti Jurnalistika kafedrası docenti Ziyada Qojıqbaeva shıǵıp sóylep, shayırdıń qosıqlar toplamı haqqında aytıp ótti.
Universitet Málimleme xızmeti baslıǵı Gúljáhán Tájetdinova sózge shıǵıp, shayırdıń qosıqlarınan úzindi keltirip ótti.
Ushırasıw keshesinde universitetimizdiń «Kitapqumarlar» klubı aǵzaları shayırdıń qosıqların kórkemlep oqıp berdi. Ilaj student jaslardıń ózlerin qızıqtırǵan sorawlarına juwaplar alıwı menen dawam etti.
Bunday ushırasıw kesheleriniń shólkemlestiriliwi jaslardıń ruwxıy dúnyasınıń bayıp barıwına, jańadan baspadan shıǵıp atırǵan kitaplardıń keń jámiyetshilikke tanılwına xızmet eteri sózsiz.
Turdıbek Naurızbaev
Berdaq atındaǵı Qaraqalpaq mámleketlik universiteti
Qaraqalpaq filologiyası hám jurnalistika fakulteti
3-kurs studenti, «Kitapqumarlar» klubı aǵzası.
