Usı jıldıń 14-mart kúni Universitet kóleminde Prezidentimizdiń bes baslamasınıń tórtinshi baǵdarı «Jaslardıń mánáwiyatın asırıw, olar arasında kitapqumarlıqtı keń en jaydırıw is-ilajları dástúri joybarın ámelge asırıw» tiykarında universitetimizdiń Ruwxıy- aǵartıwshılıq bólimi hám «Kitapqumarlar» klubı tárepinen shólkemlestirilgen «Kitapqumarlar» intellektual oyınınıń birinshi turı bolıp ótti.
Intekektual oyın Universitet Mádeniyat sarayında ótkerildi. Demalıs kúni bolıwına qaramastan studentlerdiń bilimge umtılıwshańlıǵı sonshelli 13 fakultetten jámi 18 komanda qatnastı. Bul oyın júdá qızıqlı hám mazmunlı bolıp ótti.
«Kitapqumarlar» intelektual oyınınıń 1-tur juwmaǵına kóre eń kóp ball jıynaǵan bes komanda finalǵa shıǵıw imkaniyatına iye boldı. Barlıq komandalar keyingi turlarda qatnasıw huqıqına iye hám kúshli «Beslik»ler qatarınan orın alıwǵa boladı.
«Kitapqumarlar» intekektual oyınınıń keyingi turlarına universitetimizdiń barlıq studentlerin belsene qatnasıwǵa shaqırıp qalamız.

Tańbay Sarsenbaev

» Kitapqumarlar» klubı jetekshisi

Tariyx fakulteti Arxeologiya tálim baǵdarı 2-kurs studenti