Xiywa –  Xorezmniń   áyyemgi  qalalarınan biri  bolıp, orta ásir   shiǵis  arxitekturasınıń  tákırarlanbas bólegi.

Ráwiyatlarǵa qaraǵanda Xiywa qalasına Nux payǵambardıń balası   Som tiykar salǵan.  Qala  kárwan jolda jaylasqanlıǵı  ushın    ol jerde tez-tezden  sawdagerler bolıp turǵan  hám olar qalanıń  tariyxı  hám sulıwlıǵınan lázzet alıp  «Xey -waq »  dep  aytıp  jibergen. Keyingi waqıtları   jergilikli  xalıq   qalanı  » Xey – waq», »  Xey – wa «,  «Xiy – wa»  dep atay baslaǵan.

       Bizlerde dem alıs kúnimizdi  kewilli ótkeriw maqsetinde  ximiya-texnologiya fakulteti «1-b» ximiya toparı hám topar  basshımız  Xalmuratova Zulfiya  menen birgelikte  usı  tariyxıy qalanı kóriw ushın   tań – azan menen avtobusta jolǵa shıqtıq.

«Xey – waq» dep aytqanınday  júdá kórkem qala eken. Tariyxı,  biyik-biyik imáratları, áyyemgi   esteliklerı hám  aǵashlarǵa oyıp islengen naǵısları menen ózine   tartqan  bul qalanıń kireberiwinde  ózbek milliy naǵısları túsirilgen, atlas hám adraslardan tigilgen shapanlar, shógirme hám  xorezm  milliy taqıyaları, qol miyneti menen islengen hár túrli quwırshaq hám taǵınshaqları bizlerdi biyparıq qaldırmadı.  Eń biyik bolıp  esaplanǵan  «Sayid Sholikorbay» minárasına minip, qalanı joqarıdan tamashaladıq. 

Qalanı tamashalap bolǵannan soń, Sultan Uvays baba esteligin ziyaratlaw hám Shılpıqtı  kóriw ushın jolǵa atlandıq.

Solay etip, kúnimiz este qalarlıqtay  ótti.

    Ximiya – texnologiya fakulteti

1-b ximiya toparı studenti   Pirniyazova Aynura