Ǵarezsizlik sharapatı menen mámleketimiz óz tımsallarına – Bayraq, Gerb, Giyminine iye boldı. Sonıń menen birge Qaraqalpaqstan Respublikası 1993-jıl 9-aprel kúni konstituciyası járiyalandı. Konstituciya bul – teńlik, ádillik. Tarixtan belgili, ata-babalarımız erteden teńsizliktiń, ádilsizliktiń sebebinen kóp ǵana qıyınshılıqlardı basınan ótkerdi, óz-ózin qorǵay alıwdı, óz huqıq-erkinliklerine iye bolıwdı árman etip jasadı. Usınday tınımsız árman-tilekleri, miynetleri nátiyjesinde ǵarezsizlikke eristi, óz konstituciyasın qabıl etti. Sonlıqtan xalqımız bul kúndi hár jılı kóterińki ruwxta, keń túrde belgileydi. Bul jılı da konstituciyamız qabıl etilgenliginiń 28 jıllıǵı kóterińki ruwxta bolıp ótti. Atap aytqanda, universitetimizde de bir qansha is-ilajlar ótkerildi. Solardıń biri retinde búgin toparımız hám topar basshımız benen birge konstituciyaǵa arnalǵan keshe shólkemlestirildi. Bunda konstituciyamızdıń nızamları, házirgi turmısımızdaǵı ornı haqqında pikirler alısıldı. Topar basshımız Gúljáxán Allambergenova prezidentimizdiń jaslarǵa jaratılǵan imkaniyatları hám bilimlendiriwdegi jańa nızamlar haqqında maǵlıwmat berip ótti. Toparımız studentleri de óz túsinik hám pikirlerin aytıp qatnastı. Sonıń menen birge konstituciyamız benen tastıyıqlanǵan Bayraq, Gimn hám Gerb haqqında da sóz etildi.
Usınıń menen keshe kóterinki ruwxta juwmaqlandı.
Álbette, bunday is-iljlardıń ótkeriliwi, keshelerdiń shólkemlestiriliwi biz jaslar ushın ahmiyetli. Hár qanday huqıq buzarlıqtıń aldın alıw, nızamǵa qayshı keletuǵın illetlerdi islemew hár birimizdiń wazıypamız.
Baxtımız nızamı
(úzindi)
Elim bayraǵıń bar bálentte tutqan,
Gerbiń, Giminiń bar pátiwa tapqan,
Bárshe tabısıńa quwan, yosh, maqtan,
Saw bolsın tiykarǵı nızamım meniń!
Jumaniyaz Óteniyazov
Óteshov Berdaq
Qaraqalpaq filologiyası hám jurnalistikası fakulteti
1-«E» toparı studenti.
