Haqıyqıy shayırdıń qábri bolmaydı,

Júrekke kómiler hasıl shayırlar…

    XX àsir ózbek ádebiyatı, poeziyası degende aldı menen kópshiliktiń oyına dáslepkilerden bolıp qosıqları da ápiwayılıq, xalıqshıllıq, biyğubarlıq nápesi sezilip turatuğın shayır Muhammad Yusuf keliwi sózsiz. Zamandı da, adamdı da, sezimdi de heshqanday artıqsha boyawlarsız, barınsha, tábiyiy súwretlegen sóz zergeri Muhammad Yusuf óz qosıqları menen xalıqtıń júrek tórinen bekkem orın ala alğan edi. Ómiri haqqında aytsaq da onı ullı shax hám shayır Bobur Mırza watanı Ándijanda tuwılıp óskenligi de onıń jay ğana shayır emes , ilahiy  qábilet iyesi bolıwınan  derek berer edi. Sol menen birge ol menen zamanlas bolğan XX ásir dórewtishileriniń ádebiy ortalığı da unamlı tásir kórsetkeni tàbiyiy.

    Muhammad Yusuf qosıqların alıp qarasaq, ol qaysı temada, qaysı janrda qálem terbetken bolsa da oğan ózgeshe ruwx bergenin, óz jolına salğanın kórsek boladı. Ózbekstan ele bólinip shıqpağan dàwirdegi milliy qádiriyatlarğa bay, ullı tarıyxımızdı jırlawshı qosıqlarınan-aq onıń shın xalıq perzenti ekenin kórsek boladı. Ásirese, ğárezsizliktiń dáslepki demlerinen << Heshkimge bermeymiz seni Ózbekstan!>> dep jazıwı watansúyiwshiliktiń joqarı úlgisi sıpatında alıp qaraladı.

Shayırdıń muhabbat lirikası bolsa pák sezimlerdi náziklik penen «Qızğaldağım» , «Lolaqızğaldoq» sıyaqlı qosıqları menen kewillerge tereń kirip barğan.

    Shayır miyrası júdá úlken, onı úyreniw wazıypamız. Onı tereń túsingen halda Prezidentimiz baslaması menen Muhammad Yusuf atında Ándijanda dóretiwshilik mektebiniń ashılıwı da Ózbekstan Xalıq shayırına bolğan úlken itibarlardan biri edi.

Gózzal Jumamuratova

Tariyx fakulteti

Filosofiya qánigeligi 1-kurs student.