Kewlińdi tabıwdı oylap,

Bir sózdi bir sozge baylap,

Qara túnde qálem shaynap,

Aq qaǵazdı qaralayman.

Búgin 5-may Qaraqalpaq xalqınıń poeziya juldızı, teren’ lirizmge iye poeziyamız bayteregi Ózbekstan qaharmanı, Ózbekstan hám Qaraqalpaqstan xalıq shayırı Ibrayım Yusupovtıń tuwılǵanına 92 jıl toldi. Barshemizge belgili I.Yusupov tek ǵana Qaraqalpaq xalqına ǵana emes, al Orta Aziyada tuwısqan xalıqlarǵa óziniń janǵa jaǵımlı, júrekke qonımlı  qosıqları menen dáwir jırshısı atın aldı desek hasla asıra aytqan bolmaymız. Shayırdıń qosıqlarına ózi menen zamanlas jasaǵan,  danqı dúnyaǵa tanilǵan daǵıstanlı shayır Rasul Gamzatov, qırǵız xalıq jazıwshısı Shınǵıs Aytmatov onıń dóretpelerine joqarı baha beredi.

Shayır Qaraqalpaq ádebıyatında Ájiniyaz, Berdaq, Abbaz Dabılov, S.Nurımbetovlarday ullı tulǵalardıń izin dawamlap, xalqımız júreginen tereń orın aldı. 

I.Yusupov Turkiy tilles xaıqlarǵa segiz qırlı, bir sırlı shayır bolıp keńnen tanıldı. Ol óziniń qosıqlarında Qaraqalpaq xalqınıń xalıq sıpatında qáliplesiwi, millet retinde kelbeti, azamatlıq shırayı, insanıylıǵı, aqılı menen hiylesin keńnen súwretlep berdi. Urıstan keyingi jıllar «Joldas muǵallim» poeması menen kirip kelgen shayır  kóp adamlardıń balalıq omiriniń baǵmanı bolǵan ustazlarǵa sheksiz súyispenshiligin bildiriw menen ashıldı.

  I.Yusupov Qaraqalpaq xalqınıń mádeniyatın hám oǵan tán bolǵan barlıq insaniy paziyletlerdı xalıqtıń bay ruwxıy miyrasın óz doretpelerinde kórsete aldı.

I.Yusupov Qaraqalpaq xalqınıń yadında sónbes juldız bolıp mángi jasaydı.

                                                                                                                                                                        QMU  2-kurs studenti

                                                                                                                                                                         Sultamuratov Tóremurat