Usı jıldıñ 5-may kùni I.Yusupov atındaģı dòretiwshilik mektebinde Òzbekstan Qaharmanı, Òzbekstan hàm Qaraqalpaqstan xalıq shayırı Ibrayım Yusupov tuwılģanına 92 jıl tolıwı mùnàsibeti menen òtkerilgen Ayaziy hàpteliginiñ juwmaqlawshı «Kewil kewilden suw isher» dep atalģan koncert baģdarlaması hàm hàptelik dawamında shòlkemlestirilgen tañlawlarda jeñimpaz bolģan qatnasıwshılardı sıylıqlaw màresimi òtkerildi.

Koncert baģdarlamasına O’zbekstan Respublikasi Ministrler Keñesine qaraslı Prezident, Dòretiwshilik hàm qànigelestirilgen mekteplerdi rawajlandırıw agentligi direktori H.Umarova, O’zbekstan Jaslar isleri agentligi direktori orınbasarı D.Kattaxanova hàm bir qatar miymanlar keldi. Koncert baģdarlamasın mektep direktorı R.Tashimov ashıp berdi hàm bàrsheni bùgingi sàne menen qutlıqladı.

Koncert baģdarlaması usı mektepte òz àmeliyatın òtep atırģan Berdaq atındaģı Qaraqalpaq màmleketlik universitetiniñ 3 a- kurs studentleriniñ shayır qosıqlarınan kòrkem oqıwları menen baslandı.

 Bunnan soñ mektep oqıwshıları tàrepinen shayırdıñ qàlemine tiyisli namalı qosıqları, shıģarmaları  tiykarında teatrlastırılģan saxnalıq kòrinisleri sonıñ menen bir qatarda Qaraqalpaq estrada qosıqshıları tàrepinen atqarılģan qosıqlar bayram keshesine jàne de kòteriñki ruwh baģıshladı.

Aqsıngúl Aymuratova

Qaraqalpaq filologiyası hàm junalistika fakulteti 3a- kurs studenti