Mámleketimizde alıp barılıp atırǵan jaslar siyasatınıń áhmiyetli buwınlarınıń biri mektep pitkeriwshilerin joqarı oqıw orınlarına kirip oqıwları ushın bar imkaniyatlardı iske salıwdan ibarat bolıp, bul iste joqarı oqıw orınlarınıń aldına úlken wazıypalar júklengen. Atap aytqanda, universitetimizge respublika boyınsha bir neshe mektepler biriktirilgen bolıp, jıl dawamında usı mektepler menen birge islesiw jumısları ámelge asırılıp kiyatır. Usınday ilajlardıń náwbettegisi matematikalıq analiz kafedrası tárepinen ótkerildi.
05.05.2021 kúni kafedramızdıń stajyor oqıtıwshısı T.Omarov SHımbay rayonlıq №17-sanlı uluwma bilim beriw mektebine barıp ol jerdiń sharayatı, oqıwshılardıń sabaqlıq kitapları, sabaqqa qatnası hám de bilim dárejesi menen jáne bir márte tanıstı. Mekteptiń matematika páni oqıtıwshıları menen birgelikte oqıwshılarǵa nátiyjeli bilim beriw ushın qolaylı metodlar haqqında pikirler almasıldı. Ol jerde kafedramızdıń stajyor oqıtıwhısı T.Omarov «Trigonometriyalıq teńlemelerdi sheshiw usılları» atamasında master klass ótti. Sabaq barısında oqıwshılarǵa trigonometriyalıq teńlemelerdi sheshiwdiń bir neshe qolaylı usılları haqqında tereńirek maǵlıwmat berip bardı. Sabaq juwmaǵında oqıwshılardıń búgingi sabaq boyınsha túsinbegen sorawları ortaǵa taslandı hám de olarǵa tolıq etip juwaplar berildi. Mektep pitkeriwshilerinen matematika boyınsha test alındı hám nátiyjeleri mektep muǵallimleri menen talqılandı, test nátiyjeleri tiykarında tiyisli kórsetpeler berildi.
Buxarbay Kurbanov, Matematikalıq analiz kafedrası baslıǵı.
