Электр энергетикасы кафедрасының 5310200 – Электр энергетикасы (энергияны ислеп шығарыў, узатыў ҳәм бөлистириў) ҳəм 5310100 – Энергетика (жыллылық энергетикасы) бакалавр тәлим бағдарларының питкериўши курс студентлери университет тəрепинен шығарылған 708 S/5-санлы буйрығы тийкарында 2021-жылдың 3-17-май аралығына шөлкемлестирилген  диплом алды практикасы  “Қарақалпақ  АЭТК” АЖ ниң Санаат базасы, қала ҳәм районлардағы электр тәминлеў кәрханаларында өткерилип атыр.

Студентлердиң диплом алды практикасына кафедрадан бекитилген төрт профессор-оқытыўшы, санаат базасы тəрепинен бекитилген жуўапкер Юсуп Бекбергенов, қала ҳәм районлардың бас инженерлери басшылық етип, өзлериниң билим ҳәм тәжрийбелери тийкарында мағлыўматлар бермекте. Студентлердиң ҳəр бири белгили жумыс орынларына бекитилген. Студентлер өзлериниң питкериў қәнийгелик жумыслары темалары бойынша материалларды алып, өзлериниң билимлерин әмелиятта жәнеде беккемлемекте.