Biologiya fakulteti Ekologiya hám qorshaǵan ortalıqtı qorǵaw bakalavr tálim baǵdarı 2- «A», «B» toparı Qızılqum shóliniń Nókis qalası átirapında ámeliyatta boldı.

Studentler ámeliyat dáwirinde shól zonası ósimlikleri hám haywanatlar menen tanıstı.

Studentlerge dalada baqlawdı ámelge asırıw boyınsha ámeliyat basshıları Ekologiya hám topıraqtanıw kafedrası assistenti M.Matmuratov hám Q.Turdıbaevlar tárepinen túsinik jumısları alıp barıldı.

Ámeliyat dáwirinde studentler shól zonası ósimlikler hám haywanlardıń jasaw tárizi, olardıń ekologiyalıq gruppaları menen tanıstı. Sonday-aq, aymaqtıń topıraǵı hám házirgi  kúndegi antropogen tásirlerdi  óz kózleri menen kórdi. 

Ámeliyat studentlerdiń alǵan teoriyalıq bilimlerin ámelde qollawına járdem beredi.

Ekologiya hám topıraqtanıw kafedrası stajyor oqıtıwshısı Q.Turdıbaev