Búgin 26-may kúni Qaraqalpaq mámleketlik universiteti Geografiya hám tabiyiy resurslar fakulteti Geografiya tálim baǵdarınıń 2-kurs student jasları respublikamızda jaylasqan I.V.Savitskiy atındaǵı muzeyge ekskursiya shólkemlestirdi. Bul ekskursiyańı shólkemlestiriwden maqset student jasladı Qaraqalpaqstan Respublıkası tarıyxı, mádeniyatı hám etnografiyası menen jaqınnan tanıstırıw, usı ekskursiya arqalı student jaslar jureginde ana watanǵa degen súyispenshilik oyatıw onıń tariyxı menen jaqınnan tanısıw espalanadı.

Bul ekskursiyaǵa  Geografiya hám tábiyiy resurslar fakulteti Geografiyaliq úlketanıw oqıtıwshısı Ábdimuratova Nargiza basshılıq etti.

Igor Vitaliyevich Savitskiy atındaǵı muzey 1960-jılda Nókis muzeyı atı menen ashıladı. Keyin ala 1984-jıldan baslap I.V.Savitskiy atındaǵı Qaraqalpaq sanaat muzeyi atın aladı. Muzeydiń ulıwma maydanı 6.9 mın kv km di quraydı. Muzeyde xalıq ámeliy sanaatı, Áyyemgi hám orta Xorezm sanaatı, 1920-1930-jıllardaǵı Rus hám ózbek kórkem óner sanaatı fondlarınan ibarat. Muzeyde 85 mıńnan artıq eksponat bar.

Bárshege belgili hár bir mámlekettiń taiyxın, etnografiyasın, milliy úrp-ádetlerlin bilmeksi bolsaq muzeyler arqalı kóre alamız. Muzeyler mámlekttiń tarıyxın ashıp beriwshi kópir wazıypasın atqaradı desem hasla asıra aytpaǵan bolman.

Student jaslar Úlketanıw sabaǵında alǵan teoriyalıq bilimlerin ámelde kóre aldı. Student jaslar muzey eksponatları menen jaqınnan tanısar eken bul jerdegı eksponatlar olarda ózgeshe bir qızıǵıwshılıq oyattı. Bul ekskursiya arqalı tek ǵana Qaraqalpaqstan Respublikası tarıyxı menen jaqınnan tanısıp yana qoymay áyyemgi Xorezm, Rus hám ózbek súwretlew óneri haqqında da bahalı maǵlıwmatlar aldı.

Muzeyde N.Karaxannın shigarmaları student jaslarda úlken qızıǵıwshılıq oyattı.

Sultamuratov Tóremurat

Geografiya hám tábiyiy resurslar fakulteti Geografiya tálim baǵdarınıń 2-kurs studenti.