Geografiya hám tabiyiy resurslar fakulteti 2-kurs studentleri dala oqıw ámeliyatına shıqtı. Bunda student jaslar Ashshı kól hám Qızıl qum shóline sayaxatqa bardı.

Dala oqıw ámeliyatına Geografiya hám tábiyiy resurslar fakulteti oqıtıwshısı Daljanov Qazaqbay basshılıq etti. Oqıtıwshımız Ashshı kól hám onın’ tábiyatı, Qızıl qum hám onın’ ózine tán flora hám faunası haqqında bahalı maǵlıwmatlar toplap berip, student jaslardıń teoriyalıq bilimleri dala oqıw ámeliyatında jáne de bekkemlendi. Bul dala oqıw ámeliyatının’ bas maqseti student jaslarǵa Qaraqalpaqstan Respublikasındaǵı en belgılı geografiyalıq obektler haqqında túsinik beriw hám student jaslar sanasında ana watanǵa degen súyispenshilik, mehr-muhabbat oyatıw bolıp esaplandı. Dala oqıw ámeliyatında student jaslar óz aldına toparlarǵa bólinip, bul obektlerdegi ósimlikler menen jaqınnan tanıstı. Ásirese, Qızıl qumda ósiwshı ósimliklerden juwsan, ádiraspan, seksewil sıyaqlı osimlikler student jaslarda ayrıqsha qızıǵıwshılıq oyattı.

Qızıl qum 300 mıń km .kv maydandı iyelegen ózinın’ úlkenligi boyınsha tek ǵana Ózbekstanda ǵana emes, Orta Aziyada eń úleken shóllerden biri ekenin ustazımiz aytıp otti. Bul jerde 900 den aslam ósimlik túri tarqalǵan bolıp, sonnan 226 túri Orta Aziya ushın tán. Bul jerde jıllıq jawın shashın muǵdarı 80-160 mm átirapında. Qızıl qumda Bóken taw, Quljıq taw, Sultan Ways sıyaqlı tawlar jaylasqan. Student jaslar Ashshı kólge barıp, ol jer haqqında da bir qansha maǵlıwmatlar aldı. Bul oqıw dala ámeliyatı student jaslar ushın júda kewilli hám mazmunlı boldı.

Sultamuratov Tóremurat.

Geografiya hám tábiyiy resurslar fakulteti Geografiya tálim baǵdarı 2-kurs studenti.