ӨзАныӊ хабар бериӯинше, 2021/2022 оқыӯ жылынан баслап мәмлекетлик ЖООлары бакалавриятыныӊ күндизги тәлим формасына кириӯ имтиханларында (тест сынақлары, кәсиплик (дөретиӯшилик) имтихан, жазба имтихан) еӊ жоқары балл топлаған 200 жас ушын Мәмлекет бюджети қәрежетлери есабынан қаржыландырылатуғын Өзбекстан Республикасы Президенти гранты енгизилди.
Қарарға көре:
? белгиленген тәлим тараӯы ушын ажыратылған квота бойынша соӊғы орындағы абитуриент ҳәм оныӊ менен бирдей балл топлаған барлық пуқаралар Президент грантына даӯагер болады;
❌ жеӊиллик нәтийжесинде қосымша берилетуғын баллар Президент грантына даӯагерлерди анықлаӯда есапқа алынбайды;
? Президент грантына даӯагер болған абитуриентлер мәмлекетлик грант тийкарында оқыӯға қабыл етиледи;
? Президент гранты жеӊимпазлары биринши курста барлық пәнлерди “айрықша” баҳаларға оқыған, руӯхый-ағартыӯшылық ҳәм илимий-изертлеӯ бағдарларында табысларға ерискен усы грантқа даӯагер студентлер арасынан таӊлаӯ тийкарындаа анықланады;
? таӊлаӯды Жоқары ҳәм орта арнаӯлы билимлендириӯ министрлиги, Республика жоқары билимлендириӯ кеӊеси ҳәм Жаслар ислери агентлиги өткереди;
✅ өткерилген таӊлаӯ нәтийжелерине көре жеӊимпаз болған студентлерге Өзбекстан Республикасы Президенти мәмлекетлик стипендиясы тайынланады ҳәм төленеди;
Бунда студентке:
➖ Президент гранты ушын белгиленген стипендия 2-курстыӊ оқыӯ жылы басынан айма-ай төленеди ҳәм усы мүнәсибет пенен оған улыӯма шәртлерде белгиленетуғын стипендия тайынланбайды;
➖ оқыӯ семестры жуӯмағына көре кеминде бир пәннен өзлестириӯи “айрықша” баҳа болмағанда, Президент гранты ийелерине келеси оқыӯ семестры даӯамында улыӯма тәртиптеги стипендия тайынланады ҳәм төленеди;
➖ нәӯбеттеги оқыӯ семестры жуӯмағына көре барлық пәнлер бойынша өзлестириӯ көрсеткиши тек ғана “айрықша” баҳа болғанда, Президент гранты ушын белгиленген стипендия қайта тайынланады ҳәм төлеп бериледи;
? оқыӯ жуӯмағына шекем Президент грантын үзиликсиз алған студентлер бакалаврият тәлим бағдарына сай ҳәм түрлес қәнигелик бойынша магистратураға кириӯ имтиханларысыз қосымша мәмлекетлик грант тийкарында студентликке қабыл етиледи.
