Búgin (16-avgustta) universitetimizge Ózbekstan Respublikası Joqarı hám orta arnawlı bilimlendiriw ministriniń orınbasarı Sarvarxon Buzrukxonov keldi. Qaraqalpaqstan Respublikasındaǵı joqarı oqıw orınları mekemeleri hám «professional» bilimlendiriw basqarması basshıları menen jańa oqıw jılına tayarlıq, gúz-qıs máwsimine oqıw imaratları hám studentler turaq jayların tayarlaw, ıssılıq tarmaqlarınıń talap dárejesinde ekenligi hám alıp barılıp atırǵan qurılıs-ońlaw jumıslarınıń barısı boyınsha maǵlıwmatlar menen tanıstı.

Ministr orınbasarı saylaw uchastkası bolatuǵın bilimlendiriw mekemeleriniń sharayatları menen jaqınnan tanısıp, zárúr kórsetpelerdi berdi.
Barlıq joqarı oqıw orınları hám «professional» bilimlendiriw mekemelerine jańa oqıw jılına tayarlıq, qurılıs-ońlaw hám gúz-qıs máwsimine imaratlardı tayarlaw boyınsha jol kartaların islep shıǵıw wazıypası tapsırıldı.

Ministr orınbasarı studentler turaq jayları hám ol jerdegi jaratılǵan sharayatlar menen tanıstı. S. Buzrukxanov universitette, studentler turaq jayında jańa oqıw jılına tayarlıq jaǵdayı, ámeldegi ońlaw jumısları hám jasaw quwatlılıǵın asırıw maqsetinde 2 «yaruslı krovat»lardıń shólkemlestiriliwin kózden ótkerip, bir qatar kórsetpeler berdi. Qaraqalpaq mámleketlik universiteti aymaǵınan («putratchi») shólkem «Инвест строй Нукус» juwapkershiligi sheklengen jámiyeti tárepinen jańadan qurılıp atırǵan eki 400 orınǵa mólsherlengen studentler turaq jayı imaratında qurılıs jumıslarınıń barısı menen tanıstı.

N.Kaiipnazarova, 

QMU studenti