Qaraqalpaq mámleketlik universiteti doktorantı Nurzada Atamuratova tárepinen “QASIMDA” atamasındaǵı platforma jaratqanınan xabarıńız bar. Búgin Ózbekistan Respublikası Intellektual múlik agentligi direktorı orınbasarı Sagdullaev Bahadır Taxirovich tárepinen ol jaratqan programma rásmiy dizimnen ótkenligi ushın berilgen guwalıq saltanatlı túrde tapsırıldı.

Bul platformanıń abzallıq tárepi respublikamızda barlıq xojalıq júritiwshi subyektler, xızmet kórsetiwshi firmalar haqqında maǵlıwmatlardı alıwımızǵa boladı. Keleshekte xalqımız iygiligi ushın paydalı programmalardı jaratıwda jas doktorantlarımızǵa tabıslar tileymiz.