Qaraqalpaq filologiyası hám jurnalistika fakultetine qaraslı 6-sanlı studentler turar úyinde jurnalistika kafedrası docenti Baxitbay Paluanovtıń basshılıǵında student jaslarǵa «Erasmus+» túsinigi hám oqıw barısında kredit sistemasındaǵı abzallıq hám qolaylıqlar tuwralı maǵlumatlar berip, túsindirip ótti.
Qatnasıwshı student jaslar ózlerin qızıqtırǵan sorawlarına juwap alıp, joqarı kónlikpeler aldı. Studentler ushın bul sáwbet mativaciya beriwshi trening sıpatında bolıp ótti. Bunday treningler student jaslardıń ele de bilimge qushtarlıǵın asıradı. Sonlıqtanda usınıńday sáwbet, kesheler ótkerip turılsa maqsetke muwapıq dep oylaymız.
Sáwbet joqarı tásir qaldırdı hám jańasha pikir, usınıslardı payda etti.
Qaraqalpaq filologiyası hám jurnalistika
2-«A» Baspa isi studenti
Manzura Óteniyazova
