Búgin Universitetimizdiń barlıq fakultetlerinde «SAYLAW 2021» atamasında sáwbet ótkerildi. Bunday sáwbetlerdiń ótkeriliwi biz jaslar ushın álbette áhmiyetli. Sebebi xalqımızdıń kópshilik bólegin jaslar quraydı hám bul jaslardıń arasında birinshi márte prezident saylawına qatnasıp atırǵan saylawshılar da kóp. Sol sebepli bunday sáwbetlerdiń, ushırasıwlardıń ótkeriliwi usınday áhmiyetke iye kúndi, waqıyanı ele de jaqsıraq túsiniwge, úlken wazıypası ekenin seziwge járdem etedi.
Sonday-aq bizlerdiń fakultetimizde de usı 2021-jıl 24-oktyabr Ózbekstan Prezidenti saylawı haqqında, prezidentlikke usınılıp atırǵan talabanlar, olardıń partiyaları hám basqa da maǵlıwmatlar jóninde studentlerge túsinik berildi. Biziń toparımızda da tárbiyalıq saǵat waqtında saylawǵa arnalǵan sáwbet bolıp ótti. Sáwbette hár bir partiyanıń iskerligi, olardıń maqsetleri, qashan dúzilgenligiaytıldı. Bunı 2-E topar basshısı, yaǵnıy bizlerdiń topar basshımız Gúljáhán Allambergenova alıp bardı.
Usı tárbiyalıq saǵatında Ózbekstan Respublikasınıń prezidenti saylawına arnalǵan videroliklerdi de topar aǵzaları menen birge kórdik. Búgingi kuratrlıq saǵatınıń teması da prezidentlik sayalwına hám ulıwma saylaw shártleri haqqında boldı. Onda saylaw komissiyaları, baqlawshılar, olardıń huqıqları hám májbúriyatları, Ózbekstan Respublikası Prezidentligine talabanlarǵa qoyılatuǵın talaplar, Ózbekstan Respublikası Prezidenti saylawın shólkemlestiriw hám ótkeriw tártibi, saylaw kompaniyası hám saylawdı úgit-násiyatlaw, dawıs beriwdi shólkemlestiriw hám ótkeriw, saylaw nátiyjelerin anıqlaw hám járiyalaw, Saylaw komissiyaları tárepinen múrájatların kórip shıǵıw tártibi hám saylaw nızamshılıǵın buzǵanlardıń juwapkershilikke tartılıwı haqqında maǵlıwmatlar aldıq.
Qaraqalpaq filologiyası hám jurnalistika fakulteti
2-E topar studenti Óteshov Berdaq
