Gúz-qıs máwsiminde puqaralar arasında iyis gazinen záhárleniw, hawa-gaz aralaspası nàtiyjesı menen baylanıslı ayrıqsha jaǵdaylardıń aldın alıw hám studentlerdiń bul haqqındaǵı sawatlılıq dárejesin asırıw maqsetinde Ximiya –texnologiya fakultetiniń Jaslar isleri boyınsha dekan orınbasarı Ǵ.Sultanov, Fizikalıq hám Kolloid ximiya kafedrası oqıtıwshısı R.Niyetbaev basshılıǵında iyis gazinen záhárleniw boyınsha túsindiriw hám úgit-násiyat ilajları alıp barıldı.

Ilajda iyis gazi organizimge dem alıw aǵzaları arqalı tásir etiwi, bul gaz gemoglobin menen kislorodqa salıstırǵanda 300 márte kúshli birikpe – karboksigemoglobin payda etetuǵınlıǵı hámde onıń aqıbetinde gemoglobin toqımalarǵa kislorod tasıw ózgesheligi keskin tómenlep, gipoksiyaǵa, salmaqlı jaǵdaylarda – anoksiyaǵa alıp keliwi  nátiyjesinde insan ómirden kóz jumıwı múmkinligi haqqında aytıp ótti.

Studentler arasında bul sıyaqlı kewilsiz jaǵdaylardıń aldın alıw maqsetinde Ximiya-texnologiya fakultetiniń Jaslar menen islesiw boyınsha dekan orınbasarı Ǵ. Sultanov basshılıǵında ijarada jayastuǵın studentlerdiń úylerinen xabar alındı hám gaz trubaları jaǵdayı  menen jaqınnan tanıstı.

Mademinova Guljayna

Ximiya-texnologiya fakulteti 1-kurs studenti