Ximiya-texnologiya fakultetinde fakultet student jasları arasında oktyabr ayınıń «Ruwxıy-aǵartıwshılıq háptelegi» sheńberi múnásibeti menen sporttıń «Mini futbol» túri ótkizildi. Jarısta fakultetimizdiń 16 toparınıń student jasları qatnastı. Jarıstı
Fakultet dekan orınbasarı Ǵ.Sultanov ashıp berdi hám búgingi shólkemlestirilip atırılǵan bul jarıstıń baslı maqseti ruxıy-aǵartıwshılıq islerinde sporttıń girewli ekenin ańlatıw hámde fizikalıq jaqtan ózimizdi shınıqtırıw bolsa jáne bir tárepten salamatlıǵmızdıń bekkenleniwi, dep atap ótti. Fakultetimiz sport sektorı basshısı Q.Qosnazarov sózge shıǵıp búgingi jarıs qatnasıwshılarına áwmet tiley turıp, futbol oyınıń millionlar oyını ekeni haqqında aytıp, futbol hám de sporttıń salamatlıǵmız ushın paydalı táreplerin atap ótti. Dene ma’deniyatı oqıtıwshısı Y.Sultamuratov oyınnıń tártip qaǵıydaların bir qatar túsindirip, jarısqa start berdi.
Jarıs qızǵın waqıyalarǵa bay bolıp, uzaq waqıt dawam etti. Bunnan soń eń belsendileri, eń kúshlileri ǵana final basqıshqa shekem jetip bardı. Jarıs juwmaǵına kelip sıylı 3-orındı 1-a ximiyalıq texnolgiya qániygeligi, 2-orındı 1-rus ximiya toparı jeńip alǵan bolsa, sıylı birinshi orındı oyın dawamında final basqıshqa shekem jetip kelip, jaqsı nátiyje kórsetkeni ushın 1-b ximiyalıq texnologiya qániygeligi jeńip alıwǵa miyasar boldı. Jarıs juwmaǵında 1-2-3-orındı iyelegen komandalarǵa fakultetimiz dekanatı tárepinen diplom hámde kubuk tapsırıldı. Jarısta jaqsı nátiyje kórsetkeni ushın «Eń jaqsı darwazaman» nominaciyası, «Eń jaqsı top urar» nomenaciyası boyınsha sıylıqlandı.
Aldaǵı «Ruwxıylıq ha’pteligi» sheńberinde qızlar arasında da jarıs sho’lkemlestiriliwi názerde tutılmaqta.
Ximiya -texnologiya fakulteti
3-kurs jetekshisi Kuzdibaeva Nilufar
