Universitetimizde talantlı student-jaslar kópshilikti quraydı. Olardıń bilimin, uqıbı hám talantın asırıwda hár qıylı olimpiadalar, konferensiyalar, tańlawlar shólkemlestirilip barılmaqta. Álbette, Intellektuallıq joybarlar ishinde eń zawıqlısı «Bilim ring»- intellektuallıq oyınları esaplanadı.

Usı jıldıń 7-noyabr kúni Berdaq atındaǵı Qaraqalpaq mámleketlik universiteti Mádeniyat sarayında, Universitet jaslar awqamı tárepinen bilimge qumar jaslardıń bos waqtın mazmunlı ótkeriw hám olardıń intellektuallıq bilimin asırıw maqsetinde «Bilim ring» intellektuallıq oyını ótkerildi.

Oyındı Universitetimiz Jaslar máseleleri hám ruwxıy-agartıwshılıq isleri boyınsha prorektorı S. Alawatdinov ashıp berdi.

Prorektor óz sózinde intellektuallıq oyınlar studentlerdiń ilımın hám bilimın asırıwı, bul oyın júda qızıqlı hám tartısqa bay oyın ekenligi, aqırǵı waqıtlarda «Zakovat» oyınına qaratılıp atırǵan itibarǵa ayırıqsha toqtap, jaqında ǵana Buxarada ótkerilgen respublika final oyının atap aytıp ótti.

 Soń oyınǵa start berildi. Oyında universitetimizdiń 16 fakultetinen dúzilgen 16 komandası qatnastı. Dem alıs kúnine qaramastan haqıyqıy intellektuallıq oyınǵa qızıǵatuǵın studentler jıynalǵanı ayqın kórindı. Oyın júdá qızǵın tartıslarǵa bay boldı.

Nurbek Tajimuratov

Geografiya hám tábiyiy resurslar fakulteti jaslar awqamı jetekshisi