Xalıqaralıq forum sheńberinde Berdaq atındaǵı Qaraqalpaq mámleketlik universiteti hám Tomsk mámleketlik universiteti ortasında memorandum dúzildi.
Universitet rektorı Axmed Reymov «Ózbekstan-Rossiya bilimlendiriw forumı»na qatnasıp, bir qatar abroylı joqarı oqıw orınları menen óz-ara birge islesiw boyınsha sóylesiwler alıp barmaqta.
Xalıqaralıq forumǵa Ózbekstannıń joqarı oqıw orınlarınan 50ge jaqın belgili joqarı oqıw orınları rektorları qatnasıp atırǵan bolsa, Qaraqalpaqstandaǵı joqarı oqıw orınlarınan Berdaq atındaǵı Qaraqalpaq mámleketlik universiteti rektorı qatnasıp, elimizde joqarı bilimlendiriwdi jańa basqıshqa alıp shıgıwǵa tiykar salınıp atır.
Usınday birge islesiwler sheńberinde Tomsk mámleketlik universiteti menen qánigelerdi tayarlaw barısında birge islesiwdi keńeytiw, eki joqarı oqıw orınları arasında student hám professor-oqıtıwshılar almasıwı, qospa ilimiy-izeritlew hám akademik almasıw baǵdarlamaların ámelge asırıw boyınsha shártnamaǵa qol qoyıstı.

QMU Baspasóz xızmeti