Búgin, 23-noyabr kúni Qaraqalpaq mámleketlik universitetinde korrupsiyaǵa qarsı gúresiw hám onıń aldın alıw boyınsha ámelge asırılıp atırg‘an islerdiń nátiyjeliligin ele de asırıw bag‘darında ushrasıw bolıp ótti.

Ushrasıwdı universitet rektorı A.Reymov kiris sózi menen ashıp berip, ushırasıwdıń maqseti hám áhmiyetine toqtap ótti.

Ilajǵa universitette jańadan is baslap atirg‘an tyutorlar hám topar jetekshileri qatnastı.

Qaraqalpaqstan Respublikası prokuraturası  bólim baslıg‘ı Ómirbay Xudaybergenov, Jınayat isleri boyınsha Nókis qalası sudı baslıǵı Sharapat Shamambetov, Ekonomikalıq jınayatqa qarsı gúresiw departamenti bólim baslıǵı Rashid Sadikov, Qaraqalpaqstan Respublikası Ádillik ministrliginiń bólim baslıǵı Isatay Aldabergenov qatnasıp, korrupsiya jınayatı menen baylanıslı faktlerge toqtap ótti.

Búgingi kúnde háreket etip turǵan nızam hújjetleri menen tanıstırdı.

Korrupciya tarawındaǵı nızam hújjetleriniń áhmiyeti, sonday-aq, bul illettiń qanday unamsız aqıbetlerdi keltirip shıǵaratuǵınlıǵı haqqında keń túrde sóz etildi.

Sáwbetlesiw formasında bolıp ótken ushırasıwda student jaslar ózleriniń qızıqtırg‘an sorawlarına juwaplar aldı.

N.Kaiipnazarova

QMU studenti