20-noyabr kúni universitettiń Mádeniyat sarayında Matematika fakulteti professor-oqıtıwshılar, IT Park Qaraqalpaqstan Respublikası filialı hám IT tarawına qızıǵıwshı student-jasları qatnasında seminar bolıp ótti. Ushırasıwdı Qaraqalpaq mámleketlik universiteti Oqıw metodikalıq basqarma baslıǵı, docent Berdax Daumenov ashıp berdi hám basqarıp bardı.

Seminar dawamında IT Park Qaraqalpaqstan Respublikası filialı direktorı Madiyar Elmuratov sózge shıqtı hám filialdıń búgingi kúndegi jumısı, iskerligi, «One million Uzbek coders» joybarınıń maqseti hám informaciyalıq texnologiyalar tarawındaǵı sońǵı jańalıqlar boyınsha aytıp ótti.
Seminar dawamında «One million Uzbek coders» joybarınıń áhimiyetine ayırıqsha toqtalıp ótildi. Atap aytqanda, «One million Uzbek coders» joybarında dizimnen ótken hám kurstı juwmaqlaǵan pitkeriwshilerge 0% tiykarında 2 jıllıq jeńilletilgen kredit ajıratılatuǵınlıǵı haqqında maǵlıwmat berildi. Onnan tısqarı IT Center oqıw kursların juwmaqlap úlken proektlerde jumıs islep atırǵan Qaraqalpaqstanlı programmistler haqqında hám de IT English kursın tabıslı tamamlaǵan pitkeriwshilerge, basqa kurslarda oqıw ushın 50% jeńillik jaratılǵanlıǵı haqqında da aytıp ótildi.

Seminar dawamında qatnasıwshılar ózleriniń qızıqtırǵan sorawların berip, taraw wákillerinen juwaplar aldı hám IT Center boyınsha maǵlıwmatlarǵa iye boldı.

Go‘zal Gulmirzayeva

Algoritmlestiriw hám programmalastırıw texnologiyaları kafedrası,

Ámeliy matematika 1-kurs magistrantı