Házirgi kúnde ilim jolında birge islesiw rawajlanıw ushın áhmiyetli jol bolıp esaplanadı. Sol maqsette  Qaraqalpaq mámleketlik universiteti «Ózbekstan hám Qaraqalpaqstan tariyxı» kafedrası  shet el joqarı oqıw orınları menen birge islesiwde  tikkeley baylanısta bolıp kelmekte. Professor-oqıtıwshılar tájiriybe almasıw hámde student jaslardıń  ilimge degen qızıǵıwshılıǵın asırıw  maqsetinde  Qazaqstan Respublikasınıń dúnya universitetleriniń TOP 500 reytingine kiretuǵın Muxtar Auezov atındaǵı Qubla- Qazaqstan universiteti Tariyx hám pedagogika fakultetiniń «Ulıwma tariyx hám muzey isi» kafedrası, tariyx ilimleri kandidatı, docent Avizova Ayman Karaydarovna óz tájriybesi menen bólisiw maqsetinde «Tariyx ilimi: terminologiya apparatı, izertlew processi» temasında onlayn Zoom  platforması  arqalı student jaslarǵa sabaq  ótti. Bunda Tariyx fakulteti dekanı S.Sulaymanov, «Ózbekstan xám Qaraqalpaqstan tariyxı» kafedra baslıǵı, tariyx ilimleri boyınsha filosofiya doktorı I.Elmuratov, Arxeologiya kafedrası baslıǵı, tariyx ilimleri kandidatı, docent J.Hakimniyazov, tariyx ilimleri kandidatı, docent Q.Tańirbergenova  hám student jaslar  qatnastı.

Bunda temanı ashıp beriwde dáslepki mámleketlerdiń payda bolıwı, tariyx ilimin izertlewde Qazaqstan, Ózbekstan hám Qaraqalpaqstan alımlarınıń úlesi haqqında kóplegen maǵlıwmatlar berildi.

Bunday birge islesiw hár tárepleme paydalı hám úlken ilimiy potencialdı jaratıwda bekkem tiykar boladı hám keyingi jaǵında da shártnama tiykarında birge islesiwdi jolǵa qoyıw kerekligin atap ótti.

«Ózbekstan hám Qaraqalpaqstan tariyxı» kafedrası  assistent oqıtıwshısı U.Zaripbaev