Usı jıldıń 19-dekabr kúni Shet tilleri fakultetinde dekanat hám topar tyutorları shólkemlestiriwinde «Ata-analar kúni» ilajı bolıp ótti. Ilajda universitet jaslar máseleleri, ruwxıylıq aǵartıwshılıq isleri boyınsha prorektor S.Alauatdinov, fakultet dekanı Dj.Kurbanbaev, dekan orınbasarları T.Kulniyazov, R.Saparniyazov, fakultet hayal-qızlar keńesi baslıǵı M.Ametova, R.Jaksımova, kafedra baslıqları hám topar tyutorları qatnastı.
Kún tártibine qoyılǵan máselelerge kóre, studentlerdiń sońǵı aylarda sabaqlardan úlgeriwi, oqıwda, jámiyetlik jumıslarda belsendiligi, joqarı oqıw orınları ishki tártip qaǵıydaları, sońǵı jańalıqlar, studentlerdiń bos waqıtların mazmunlı ótkeriw, ijarada hám studentler turar jayında jasawshı studentlerdiń jasaw sharayatları, aldında rejelestirilgen imtixanlarǵa tayarlıq, qosımsha dógerekler hám arnawlı tálim kurslarına qızıqtırıw h.t.b. máseleler kórip shıǵıldı.
Ilaj dawamında ata-analar ózlerin qızıqtırǵan sorawlarına juwaplar alıw menen bir qatarda fakultet kóleminde alıp barılıp atırǵan oqıw, ruwxıylıq aǵartıwshılıq hám ilmiy baǵdarlarda ótkerilip atırǵan ilajlar menen de jaqınnan tanıstı.
Ushırasıw sońında fakultetimiz maqtanıshı bolǵan studentlerdiń ata-analarına universitet rektorınıń «Alǵısnama»sı tapsırıldı.
Shet tilleri fakulteti tyutorı R.Kalmenov
