I.V.Savickiy atındaǵı Qaraqalpaq mámleketlik kórkem óner muzeyi direktorı Tariyx fakultetinde boldı |

I.V.Savickiy atındaǵı Qaraqalpaq mámleketlik kórkem óner muzeyi direktorı Tariyx fakultetinde boldı

Usı jıldin’ 24-dekar kúni I.V.Savickiy atındaǵı Qaraqalpaq mámleketlik kórkem óner muzeyi direktorı, kórkem óner ilimleri doktori Tigran Konstantinovich Mkrtichevtin’ qatnasında «Orta aziya kórkem óner tariyxı» – atamasında Berdaq atındag’ı Qaraqalpaq mámleketlik universiteti tariyx fakultetinde seminar bolıp ótti.

Seminarǵa tariyx, arxeologiya tálim baǵdarınıń 2-3-kurs student jasları qatnastı. Tariyx fakulteti Arxeologiya kafedrası baslıǵı docent J.Xakimniyazov seminardı kiris sóz benen ashıp berdi.

Tigran Konstantinovich Mkrtichev bayanat jasap, ol arxeologiya iliminiń rawajlanıw jaǵdayı, izertlewler nátiyjesinde qolǵa kirgizilip atırǵan jańalıqlar, izertlewlerde qollanılatuǵın jańa metodikalar, arxeologiya tarawı boyınsha óz-ara pikirleri menen ortaqlastı hám studentler menen óz- ara sáwbetlesip, student jaslar arxeologiya boyınsha ozlerinin’ qızıqtırg’an sorawlarına juwaplar aldı.

Jáne de házirgi kúnde arxeologiyalıq dala izertlew jumısları alıp barılıp atırǵan bir neshe tariyxıy-arxeologiyalıq estelikler hám olardaǵı materiallıq tabılmalar, olardıń klassifikaciyası, ózine tán bolǵan ózgeshelikleri, basqa da qońsılas úlkeler menen bolǵan mádeniy baylanısların tastıyıqlawshı uqsaslıq belgileriniń analizi boyınsha maǵlıwmatlar keltirilip ótildi.

Seminar jańalıqlarǵa bay bolıp, student jaslar ózlerine kerekli bolǵan bilim hám tájiriybelerge iye boldı.

Seminar juwmaǵında Tariyx fakulteti Arxeologiya kafedrası baslıǵı, docent J.Xakimniyazov seminar jańalıqlarǵa hám maǵlıwmatlarǵa tolı bolǵanlıǵın hám keleshekte arxeologiyalıq izertlewlerdi birgelikte alıp barıp, arxeologiya iliminde óz-ara tájiriybeler almasıw kerekligin atap ótti hám birge islesiw boyınsha pikir-usınısların bildirip ótti.

Maǵlıwmat ushın: Tigran Konstantinovich Mkrtichev Oraylıq Aziya arxeologiyası hám kórkem óner tariyxı boyınsha jetik qánige. Kórkem óner iliminiń jetik qanigesi, ilim doktorı.V.Savickiy atındaǵı Qaraqalpaq mámleketlik kórkem óner muzeyi direktorı, ullı rus ensiklopediyasınıń avtorlarınan biri.

ToshDU arxeologiya fakultetin (1981), Tashkent Kórkem óner institutı aspiranturasın (1984) tamamlaǵan. Kórkem óner ilimleri kandidati (1985, “Áyyemgiler kosmologiyasi hám onıń 5-10 -ásirler Orta Aziya kórkem ónerinde sawleleniwi” dissertatsiyası ), kórkem óner ilimleri doktorı (2003, “Orta Aziya buddist kórkem óneri 1-10 -ásirler»). 1985 jıldan – Shıǵıs mámleket muzeyi jumısshısı, Moskva (úlken ilimiy xızmetker, Oraylıq Aziya arxeologiya sektorı baslıǵı, ilimiy jumıslar boyınsha bas direktor orınbasarı, Rerich muzeyi direktorı – SMO filialı ). 2019 -jıl iyul ayında I. V. Savitskiy atındaǵı mámleketlik kórkem óner muzeyi direktorı lawazımına ótkerilgen xalıqaralıq tańlaw jeńimpazı (Ózbekstan Respublikası, Nókis qalası ).

1986- jıldan Orta Aziya budda kórkem ónerin úyrenedi. Bul aymaqtıń budda kórkem óneri boyınsha “I-X ásirler Oraylıq Aziya buddaviy kórkem óneri” atlı ulıwmalastıratuǵın monografiya avtorı. 2002- 2009 jıldan baslap T. K. Mkrtichev XX ásir Orta Aziya suwretleytuǵın kórkem óneri menen shuǵıllana baslaydı (súwretshiler P. P. Benkov, A. N. Volkov, A. A. Volkov hám basqalar ). “Turkiston avangardi” termini avtorlarınan biri (teń avtor E. S. Ermekova), “Orıs avangard ensiklopediyasi”ga kiritilgen, redaktor A. D. Sarabyanov. Orta Aziya esteliklerine (Do’rmontepa, varaxsha, Eski Termizdegi Qoratepa), sonıń menen birge, XXR Sinzyano-Uyg’ur avtonom okrugiga (Turfondagi Seng’im-awız ) qatar arxeologik ekspediciyalar qatnasıwshısı hám basshısı ; Por-Bajin joybarınıń ilimiy basshısı (2006 -2007, Tyva). 20 dan artıq kórgezbe hám ekspozitsiyalarning kuratori (avtor gruppaları aǵzası ) (SMOA, Rerich muzeyi, Pushkin atındaǵı mámleket suwretleytuǵın kórkem óner muzeyi, Reis-Engelhort muzeyi (Mangeym, Germaniya ), Metropoliten muzeyi (AQSh), Suwretlew muzeyi Túrkmenstan kórkem óneri (Ashxabad) hám basqalar ; Júzden artıq ilimiy jumıslar – monografiyalar, kataloglar, albomlar, maqalalar avtorı.

2018-jıldan — “Ulli Keleshek” ekspertler keńesi aǵzası (Ózbekstan Respublikası).