Universitetimizdiń programmalastırıw tarawına qızıǵıwshılıǵı studentleri arasında qısqı dem alıstı qızıqlı ótkeriw maqsetinde 2022-jıl 15-yanvar kúni Programmalastırıw boyınsha onlayn pán olimpiadası shólkemlestirildi. Bunda studentler ushın KarSU Judge sisteması arqalı máseleler qoyıldı. KarSU Judge kontest sisteması qolaylı tárepi, eger qatnasıwshınıń sheshimi tuwrı bolsa, hár bir esap ushın tiyisli ballardı qoyıp bahalaydı. Student-jaslar ZOOM platforması arqalı baqlap barıldı. Nátiyjede Programmalastırıw boyınsha ótkerilgen onlayn olimpiada da tómendegi studentler sıylı orınlardı iyeledi.
- Ámeliy matematika hám informatika tálim baǵdarı 2G-kurs studenti Rajabov Jamshid ulıwma esapta 100 ball menen 1-orındı;
- Matematika tálim baǵdarı 3B-kurs studenti Kadirbaeva Eleonora ulıwma esapta 90 ball menen 2-orındı;
- Kompyuter ilimleri hám programmalastırıw texnologiyaları tálim baǵdarı 2K-2 toparı studenti Baltabaev Nawrızbay ulıwma esapta 62 ball menen 3-orındı;
Olimpiada tek ǵana Qaraqalpaq mámleketlik universiteti student-jasları ushın shólkemlestirilgen, basqa joqarı oqıw ornı student-jaslarına qatnasıwǵa ruxsat berilmeydi, eger de basqa joqarı oqıw orınları student-jasları yamasa basqada qatnasıwshılar qatnasqanlıǵı anıqlansa olardıń nátiyjeleri esapqa alınbaydı. Bul haqqında olimpiadanı shólkemlestiriw boyınsha daǵazalarda maǵlıwmat berilgen.
Olimpiadanıń jeńimpazları olimpiada juwmaqlawshı basqıshı nátiyjeleri boyınsha 1, 2 hám 3-dárejeli diplomlar menen sıylıqlandı hám birinshi orın ushın 700 mıń swm, ekinshi orın ushın 500 mıń swm, úshinshi orın ushın 300 mıń swm aqshalay sıylıqlıqlanadı.
