Qısqı dem alıs waqtında studentlerdiń bos waqtın mazmunlı ótkeriw maqsetinde 18-yanvar kúni jas shayır Allayar Dármenov penen onlayn ushırasıw bolıp ótti. Shet tilleri fakulteti studentleri shayırdıń dóretiwshiligi menen jaqınnan tanısıp, qızıqtırǵan sorawlarına juwaplar aldı. Ásirese shayırdıń drablleri studentlerde ayrıqsha qızıǵıwshılıq oyattı. Poeziyaǵa janı qumar, qosıq jazıwǵa uqıbı bar studentlerimiz shayırdan jol joba alıp, hár aydıń 12-sánesinde Qaraqalpaqstan Jazıwshılar awqamında bolatuǵın jas dóretiwshilerdiń seminarına qatnasıwın usınıs etti. Onlayn ushırasıw dawamında keshemiz miymanı Ózbekstan hám Qaraqalpaqstan Jazıwshılar awqamı aǵzası, «Jas dóretiwshiler» klubı bas koordinatorı A.Dármenov óz dóretpelerinen oqıp berdi.
Eki saat dawam etken bul ushırasıw poeziya ıqlasbentleriniń ruwxıy dúnyasına zawıq baǵıshlap, ádebiyatqa bolǵan mehrin jáne bir márte tasqınlattı.
Ramiza Pirnazarova
Shet tilleri fakulteti tyutorı
