Búgingi kúnde informaciyalıq texnologiyalar turmısımızǵa keńnen kirip – olardı úyreniw dáwir talabına aylanıp barmaqta. Jaslardı IT tarawına tartıw boyınsha kóplegen is-ilajlar alıp barılmaqta. Usınday ilajlardıń biri Qaraózek rayonında alıp barıldı. Atap aytatuǵın bolsaq 2022-jılı 17-fevral kúni Qaraqalpaq mámleketlik universiteti Algoritmlestiriw hám programmalastırıw texnologiyaları kafedrası professor-oqıtıwshıları hám studentleri tárepinen jaslar menen ushırasıw bolıo ótti. Ushırasıwda Qaraózek rayonı agroekonomika texnikumı studentleri, Qaraózek rayonı Agro ekonomikalıq kásip-óner mektebi oqıwshıları menen ushırasıwlar boldı. Bunda Matematika fakulteti Kompyuter ilimleri hám programmalastırıw texnologiyaları kafedrası baslıǵı B.Samandarov sózge shıqtı hám óziniń tájriybesi menen bólisti.

Sonday-aq, Kompyuter ilimleri hám programmalastırıw texnologiyaları qániygeligi 2-kurs studenti Qoǵambaev Asadbek óziniń jetiskenligi menen tanıstırdı hám islegen proektleri haqqında maǵlıwmat berdi. Jaslarǵa ózinen kelip shıǵıp motivaciya hám másláhátlerin berdi.