Prezidentimizdiń 2020-jıl 7-maydaǵı “Matematika tarawındaǵı tálim sapasın asırıw hám ilimiy izlenislerdi rawajlandırıw haqqında”ǵı PQ-4708 sanlı qararına muwapıq mekteplerde matematika pánin rawajlandırıw, sabaqlardı oqıwshılar ushın qızıqarlı shólkemlestiriw hám balalardı qollap quwatlaw maqsetinde Qaraqalpaq mámleketlik universiteti Matematika fakulteti tyutorları Reymbaeva Aypara, Karimov Bunyod  hám 4-kurs studentleri Sarbinaz Aytmuratova, Erejepov Azamatlar tárepinen Nókis qalası 11-sanlı mektepte oqıwshılar ushın master klaslar alıp barıldı. Sabaq dawamında jańa metodlardan paydalanılıp oqıwshılardı qızıqtırıw menen bir qatarda oqıtıwshılar ushın balalarǵa matematikanı úyretiwdiń zamanagóy metodları haqqında túsinikler berildi.

Master klasqa qatnasqan 4-klass basshısı Reymova Bibiraxima hám basqa da oqıtıwshılar sabaq juwmaǵında balalardıń matematikaǵa qızıǵıwshılıǵı artqanlıǵı, sabaq júdá jaqsı shólkemlestirilgenligi tuwralı ózleriniń unamlı pikirlerin bildirip, QMU oqıtıwshıları tárepinen ótkizilip atırǵan bunday master klaslar mektep oqıtıwshıları ushın metodikalıq járdem bolatuǵınlıǵın ayrıqsha atap ótti. Fevral ayı Respublikamızda “Matematika pán aylıǵı” bolǵanlıqtan házirde 11-sanlı mektepte matematika sabaqların nátiyjeli shólkemlestiriw maqsetinde Qaraqalpaq mámleketlik universiteti tárepinen arnawlı is-ilájlar alıp barılmaqta.

        Qaraqalpaq mámleketlik universiteti Matematika fakulteti