Búgin, 26-fevral kúni Qaraqalpaq mámleketlik universiteti ruwxıylıq hám ag’artıwshılıq májilisler zalında Ózbekstan Milliy teleradiokompaniyası «Sport» telekanalı xızmetkerleri menen studentler qatnasında ushırasıw ótkerildi.
Ushırasıwda Ózbekstan Milliy teleradiokompaniyası «Sport» telekanalı bas rejissyori Erkin Isomiddinov, bas teleoperatorı Yigitali Erkayev hám Ózbekstan telekanalınıń Qaraqalpaqstan Respublikası boyınsha óz xabarshısı Quwandıq Bekbauliyevlar qatnastı.
Ushırasıwdı universitet jaslar máseleleri hám ruwxıy-aǵartıwshılıq isleri boyınsha prorektor S.Alawatdinov alıp bardı.
«Sport» telekanalı dóretiwshi jámááti menen bolǵan ushırasıwda Qaraqalpaq mámleketlik universitetinde sport baǵdarında oqıp bilim alıp atırǵan student jaslardıń jetiskenlikleri haqqında sóz etildi. Sonday-aq, olardıń ozleri tańlaǵan sport túrleri menen turaqlı shuǵıllanıwı, ózleriniń sport sheberligin arttırıp barıwı ushın mámleketimizde, sonıń menen birge universitette jaratılǵan imkaniyatlar haqqında pikir alıstı.
Búgingi kúnde jaslardı fizikalıq jaqtan jetik insan etip tárbiyalawǵa ayırıqsha dıqqat qaratılıp, joqarı mádeniyatqa iye bolǵan hár tárepleme jetik hám de fizikalıq salamat insandı qáliplestiriw bas maqset bolıp tabıladı. Bunday ullı maqsette ĞXQ wákilleriniń de, soniń ishinde spor tarawında dóretiwshilik jumıslar alıp baratuǵın jurnalistlerdiń úlesi ayırıqsha sanaladı. Usı orında «Sport» telekanalının miyneti jemisli ekenligin aytıp ótiw orınlı.
Qaraqalpaq mámleketlik universiteti
Baspasóz xızmeti
