Tashkent qalasındağı Onkologiya orayı shıpakeri,  IELTS 7,5 ball iyesi,  «El-yurt umidi» fondı stipendiantı,  TOP-100likke kirgen The university of Nottingham doktarantı Jumaniyazova Shaxnoza menen sáwbetlesiw keshesi shólkemlestirildi. Kesheni shet tilleri fakulteti hayal-qızlar máselesi boyınsha dekan másláhátshısı M.Ametova ashıp berdi hám ol óz sózinde hayal-qızlardıñ jámiyettegi belsendiligine, ilim jolında qorıqpastan adım atıp atırğan jaslardı úlgi tutıw haqqında ayrıqsha toqtadı.

Buğan qosımsha shet tilleri fakulteti dekanı Dj.Qurbanbaev studentlerdiñ hámiyshe izleniste bolıwı zaman talabı ekenligin aytıp ótti.

Sáwbet miymanı Sh.Jumaniyazova óziniñ ómiri mısalında studentlerge “El yurt umid” fondı haqqında, usı fondtıñ tiykarğı maqseti hám magistratura hám doktorantura basqıshlarına usı fond arqalı tapsırıw boyınsha tolıq mağlumat berdi hám kóplep paydalı keñeslerdi atap ótti. Keshe dawamında student jaslar ózlerin qızıqtırgan barlıq sorawlarğa tolıq juwap aldı hám bul sáwbet olarğa úlken motivaciya boldı desek qátelespeymiz.

Sh.Jumaniyazovağa shet tilleri fakulteti atınan mazmunlı sáwbet ushın úlken minetdarshılıq bildirip, oqıw hám jumıslarında tasqın tabıslar tilep qalamız.

Shet tilleri fakulteti 2-kurs studenti Kokanova Nursuliu