Dáslep xabar bergenimizdey, Ózbekstan Respublikası Prezidentiniń 2022-jıl 5-marttaǵı «Zulfiya atındaǵı Mámleketlik sıylıǵı menen sıylıqlaw haqqında»ǵı qararına muwapıq Berdaq atındaǵı Qaraqalpaq mámleketlik universiteti Biologiya fakultetiniń 2-kurs studenti Zuxraxon Maqsadova Zulfiya atındaǵı Mámleketlik sıylıqtıń laureatı bolǵan edi.
Búgin, 9-mart kúni universitetimiz rektorı A.Reymovtıń basshılıǵında Nókis temir jol vokzalında Mámleketlik sıylıqtıń laureatı bolǵan Berdaq atındaǵı Qaraqalpaq mámleketlik universiteti Biologiya fakultetiniń 2-kurs studenti Zuxraxon Maqsadova saltanatlı túrde kútip alındı.
Qaraqalpaq mámleketlik universiteti rektorı A.Reymov Zulfiya sıylıǵınıń laureatı Zuxraxon Maqsadovanı úlken tabısı menen qutlıqlap, keleshektegi maqsetlerine erisiwinde tabıslar tiledi.
Óz gezeginde Z. Maqsadova usınday tabıslarǵa jetisiwinde úlken qollap-quwatlawshılıq hám isenim bildirgen universitet basshılarına, bilim berip atırǵan qádirdan ustazlarına tereń minnetdarshılıq bildirdi.
QMU Baspasóz xızmeti
