Òzbekstan Respublikasɪ Prezidentiniń 2020-jɪl, 20-aprel kúngi PQ-2909-sanlɪ qararɪnda belgilengen wazɪypalardɪń orɪnlanɪwɪn támiyinlew maqsetinde Qaraqalpaq mámleketlik universiteti rektorɪ Axmed Reymov usɪ jɪldɪń 21-27-mart kúnleri aralɪǵɪnda Rumɪniyanɪń Brasov qalasɪndaǵɪ Brasov Transilvaniya universitetinde xɪzmet saparɪnda bolmaqta. Tiykarǵɪ maqset mayɪplɪǵɪ bolǵan insanlar ushɪn xɪzmetlerdi rawajlandɪrɪw (DECIDE) joybarɪnɪń shólkemlestiriw máseleleri boyɪnsha pikir alɪsɪw menen birge usɪ joybar sheńberindegi ushɪrasɪwlarǵa qatnasadɪ.
Evropa Awqamɪnɪṅ Erasmus+ baǵdarlamasɪnɪṅ DECIDE joybarɪnɪṅ nawbettegi ushɪrasɪwɪ Rumɪniyanɪṅ Brasov qalasɪndaǵɪ Brasov Transilvaniya universitetinde bolɪp ȯtpekte.
Bul ushɪrasɪwǵa birge islesiwshi sɪpatɪnda Qaraqalpaq mámleketlik universiteti wákilleri de, yaǵnɪy universitet rektorɪ Axmed Reymovtɪń basshɪlɪǵɪndaǵɪ delegaciya aǵzalarɪ da múnásip qatnaspaqta.
Qaraqalpaq mámleketlik universiteti Baspasóz xɪzmeti
