Ximiya-texnologiya fakulteti pitkeriwshi studentleri keleshektegi jumıs orınlarına iye bolıwı ushın iyelegen bilimlerin sınaqtan ótkermekte.
Jaqında bul student jaslardıń qatnasında Moynaq rayonındaǵı qurılıs ónimlerin islep shıǵarıwshı “Moynaq LDSP” JSHJ bas injeneri Q.Taumuratov hámde Sanaat qurılıs bank basqarıwshısı B.Mámbetovlar ximiya-texnologiya fakulteti pitkeriwshi studentleri menen sáwbet ótkerdi.
Bul sáwbette tiykarınan mekeme bas injeneri Q.Taumuratov pitkeriwshi studentlerge 16 injener texnologlar kerekligin, bos jumıs orınları hám jumıs ornındaǵı sharayatlar haqqında maǵlıwmat berip ótti. Sonday-aq pitkeriwshilerdiń bilim dárejesin sınawdan ótkerdi.
