29-mart kúni Berdaq atındaģı Qaraqalpaq mámleketlik universitetinde Jaslar isleri agentligi Qaraqalpaqstan Respublikası basqarması hámde Jasslar-keleshegimiz fondı Qaraqalpaqstan filialınan «Biznes start» jańa joybarı shólkemlestirildi. Onda Qaraqalpaqstandaģı belgili kompaniyalardan:
«KUSHMAG» brendi tiykarshısı M. Kómekov,
«KARDAR» brendi tiykarshısı M. Shimbergenov,
«MURATBEK MEBEL» JSHJ tiykarshısı M. Táńirbergenov,
«OIL MAX GOLD» JSHJ tiykarshısı I. Pirimbetov, hám isbilermenlerdiń huqıqların qorģaw boyınsha
«RF ROMAN» Advokatlıq byurosı baslıģı F. Romanovlar miymanda boldı.
Biznes marafonında kompaniya tiykarshıları student jaslarģa motivatsiya beriw maqsetinde ózleriniń biznes baslawdaģı qıyınshılıqları, jetiskenlikleri hám eń baslısı qanshelli qıyın bolıwına qaramastan biznesin qalay júrgizgenligin student jaslar menen bólisti.
Student jaslar ózleriniń qızıqtırģan sorawların berip, sorawlarına tolıģı menen juwap aldı hám sáwbet aqırında Jaslar isleri agentligi Qaraqalpaqstan Respublikası basqarması baslıģı I. Abdikalikov kelgen miymanlarģa óz minnetdarshılıģın bildirdi.
R.Eshimuratova
Ximiya texnologiya fakulteti 1-kurs studenti.
