Bayram tamashaları jáne de dawam etti

     Búgin universitetimizde bolip ótken «HÁR KÚNIŃIZ NAWRÍZ BOLSÍN» atamasındaǵı milliy bayram tamashaları milliy sport oyınları hám bir qatar kórgizbeler menen dawam etti.

       Universitet bas imaratı aldı bayramǵa say bezetilgen. Nawrızǵa say dástúrlerimiz hár bir fakultet jámááti tárepinen birin-biri tákirarlamaytuǵınday etip tayarlanǵan.  Kórgizbelerde milliy taǵamlar menen milliy buyımlar, hár qıylı qol óneri úlgileri orın alǵan.

      Bayram saltanatınan soń, rektor Axmed Reymov kelgen miymanlardı Nawrız seyilinde dawam etip atırǵan milliy oyınlar tamashasına hám kórgizbelerge mirát ettip, miymanlar menen birgelikte bayram seyiline qatnastı. Miymanlar hám bayram qatnasıwshıları bul jerde ráń-báreń sport oyınların tamasha etti.

         Búgin, 31-mart kúni Mawrız bayramı seyilleri dawamında universitettiń sport maydanshasında palwanlar gúresi, arqan tartısıw, qol gúresi, tas kóteriw, lángi sıyaqlı milliy sport oyınları boyınsha barlıq fakultetlerdiń studentleri arasında jarısları shólkemlestirildi.

    Sonday-aq, bayram múnásibeti menen universitet studentleriniń qol óneri úlgileri, súwretlew óneri boyınsha kórgizbeleri bolıp ótti.

       Universitettiń sport maydanshasında palwanlar gúresi, arqan tartısıw, qol gúresi, tas kóteriw, lángi sıyaqlı milliy sport oyınları boyınsha barlıq fakultetlerdiń studentleri arasında jarıslar shólkemlestirildi.

       Milliy sport oyınları boyınsha ótkerilgen sport jarıslarınń jeńimpazları bahalı sawǵalar menen sıylıqlandı. Bul haqqında jáne de tolıq maǵlıwmat beriledi.