Ekonomika fakulteti májlisler zalında fakultet student qızları menen «IT park Qaraqalpaqstan Respublikası filyalı Start APlardı rawajlandırıw» boyınsha menedjer Qural Atabaev hám IT Park Qaraqalpaqstan Respublikası bólimi menedjri Ieslam Ismaylovlar “IT women” joybarı sheńberinde ushırasıw ótkerildi.

          Ushırasıwda IT tarawına qızıǵatuǵın qızlardı usı tarawǵa tartıw óz bilimlerin elede asırıw IT tarawın rawajlandırıw maqsetinde Grafik dizayn hám SMM marketin jónelisleri boyınsha biypul oqıw kursları shólkemlestirilgenligin aytıp otti hám qızlardı oqıwǵa mirát etti. Usı kurslarda oqıw qızlardıń keleshekte jumıs penen bántligin támiyinlewde de járdem beretuǵınlıǵın aytıp otti. Mámleketimiz tárepinen qızlarǵa ulken imkaniyatlar esigi ashılǵanlıǵın, IT tarawın tereń ózlestirse hátte, dunya juzine belgili kompaniyalarda jumıs islew imkaniyatı payda bolatuǵınlıǵın Ekonomika fakulteti hayal-qızlar keńesi jetekshisi E.Madenovada aytıp ótti. Ushırasıw sońında kelgen miymanlardan qızlar taraw boyınsha ózleri qızıqtırǵan sorawlarına tolıq juwaplar aldı hám sociyallıq ortalıqtaǵı kanallarına aǵza boldı.